ҶОМЕА
Сешанбе 12 Ноябр 2019 06:14
5980
Бахшида ба Рӯзи умумиҷаҳонии бидуни тамоку дар маҷлисгоҳи Маркази тадқиқоти стратегӣ бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар якҷоягӣ бо  Ташкилоти умумиҷаҳонии тандурустӣ  таҳти унвони “Тамоку ва саломатии шуш” мизи мудаввар доир карда шуд.

Дар он Марта Эверард, роҳбари Ташкилоти умумиҷаҳонии тандурустӣ дар Тоҷикистон, Саида Умарзода, муовини аввали вазири тандурустӣ ва ҳифзи иҷтимоии аҳолӣ, Парвина Мухторова, директори Муассисаи давлатии "Маркази ҷумҳуриявии ташаккули тарзи ҳаёти солим", намояндагони ҷомеаи шаҳрвандӣ ва ВАО иштирок доштанд.

Саида Умарзода, муовини аввали вазири тандурустӣ ва ҳифзи иҷтимоии аҳолӣ аз ҳамасола зиёд шудани истеъмолкунандагони тамоку дар ҷомеа изҳори нигаронӣ карда гуфт:

- Тамоку ва маҳсулотҳои он  кашфи дасти худи инсон мебошад,  вале кор имрӯз ба ҷое расидааст, ки   инсон бо муқобили ихтирои худ  мубориза  мебарад. Агар ба маълумотҳои оморӣ рӯ оварем,   мо афзоиши бемориҳои дилу раг, саратон, бемориҳои  музмини шуш ва роҳҳои нафасро  мушоҳида карданамон мумкин аст. Ҳарсол миллионҳо  нафар одамон дар кураи замин аз зарари тамоку ва маҳсулотҳои он бемор гардида, мефавтанд. Тамоку ва маҳсулотҳои он натанҳо инсонро ба марг мерасонад, балки ба иқтисодиёти шахс, оила ва кишвар низ таъсири беандоза мерасонад,”- илова намуд номбурда.

Дар идома иштирокдорон масъалаҳоро доир ба хавфи истеъмоли тамоку, зарурати тадбирҳои самараноки паст кардани сатҳи истеъмоли он, нақши муҳими  шуш барои саломатӣ ва некӯаҳволии ҳар як шахс, таъсири зараровари истеъмоли тамоку ба шуши инсон, аз саратон то ба   бемориҳои музминро муҳокима намуданд.

Таъкид шуд, ки тадқиқоти охире, ки соли 2016 гузаронида шуда буд, муайян намуд, ки 29,9 фисади аҳолӣ калонсолон  дар Ҷумҳурии Тоҷикистон тамоку мекашанд ва аз ин  теъдод 25,7 фоизро мардон,  2,2 фоизро занон ташкил мекунад. Мувофиқи ин тадқиқот синни миёна барои оғоз кардани сигоркашӣ 18-21 солагӣ буда, 52,5 фисади ҷавонони сигорӣ ҳамарӯза 10 сигор мекашанд.

Тибқи маълумоти  Ташкилоти умумиҷаҳонии тандурустӣ Ҷумҳурии Тоҷикистон аз рӯи истеъмоли тамоку дар байни кишварҳои Иттиҳоди давлатҳои мустақил мақоми нуҳум ва дар байни кишварҳои Осиёи Марказӣ ҷои сеюмро ишғол менамояд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.