ҶОМЕА
Ҷумъа 16 Апрел 2021 07:01
7818
16 феврал бо иштироки намояндагони ВАО-и дохилӣ ва хориҷӣ нишасти матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир гардид.

Абдулло Раҳмонзода, раиси Кумитаи кор бо ҷавонон ва варзиши назди Ҳукумати кишвар (КҶВ)зимни нишаст фаъолияти яксолаи соҳаи кор бо ҷавонон ва варзишро мавриди таҳлилу баррасӣ қарор дода, зикр намуд, ки Кумита дар заминаи сиёсати ҷавонпарварона ва варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар баҳри татбиқи амалии сиёсати давлатии соҳа дар соли 2020, ки бисёр соли муҳими сиёсӣ ба ҳисоб мерафт, бо дарназардошти хурӯҷи пандемияи каронавирус тадбирҳои амалиро роҳандозӣ намуд. Дар маҷмӯъ, дар соли 2020 аз ҷониби Кумита, сохторҳои маҳаллӣ ва ташкилотҳои системаи он дар самти кор бо ҷавонон ва варзиш 44 ҳазору 152 чорабинӣ бо фарогирии зиёда аз 5 миллион нафар сокинони кишвар, хосса наврасону ҷавонон ва варзишгарон доир карда шудааст, ки ин нишондод нисбат ба ҳамин давраи соли гузашта, 14 ҳазору 952 чорабинӣ зиёд мебошад.

Номбурда дар идома таъкид намуд, ки Кумита тавонист, дар ҳамкорӣ бо сохторҳои дахлдор 31 ҳазору 126 чорабиниҳои хусусияти идеологидоштаро бо фарогирии 3350419 нафар наврасону ҷавонон ва аҳли ҷомеа баргузор намояд. Бо мақсади иҷрои Нақшаи чорабиниҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон ҷиҳати такмил ва ба меъёрҳои байналмилалӣ мутобиқ намудани санадҳои меъёрӣ – ҳуқуқии соҳаи кор бо ҷавонон ва варзиш, Кумита дар ин давра лоиҳаҳои қонунҳои Ҷумҳурии Тоҷикистон “Дар бораи ҷавонон ва сиёсати давлатии ҷавонон”, “Дар бораи тарбияи ҷисмонӣ ва варзиш” дар таҳрири нав, ҳамзамон Стратегияи сиёсати давлатии ҷавонон дар Ҷумҳурии Тоҷикистонро барои то соли 2030 таҳия намуда, баъд аз мувофиқасозӣ бо вазорату идораҳои дахлдор ба унвони Ҳукумати Ҷумҳурии Тоҷикистон пешниҳод намуд.

Раиси КҶВ дар ҷараёни нишаст ба ҳолати вазнини соли сипаришуда низ таваҷҷуҳ намуда, иброз дошт, ки дар ин давра аз ҷониби Кумитаи кор бо ҷавонон ва варзиш ҷиҳати пешгирии бемории сироятии коронавирус “COVID-19” 4953 чорабинӣ бо фарогирии 170 ҳазору 777 нафар баргузор гардидааст, ки аз он 225 чорабинӣ бо фарогирии 6975 нафар дар ВМКБ, 1496 чорабинӣ бо фарогирии 46376 нафар дар вилояти Суғд, 1499 чорабинӣ бо фарогирии 46469 нафар дар вилояти Хатлон, 1231 чорабинӣ бо фарогирии 55395 нафар дар ШНТҶ ва 502 чорабинӣ бо фарогирии 15562 нафар дар шаҳри Душанбе доир карда шуд. Дар рафти чорабиниҳои болозикр зиёда аз 68333 адад ниқобҳои тиббӣ, 143530 адад варақаҳои иттилоотӣ ва 10060 дастпӯшак ва антисептик ба аҳолӣ тақсим карда шуд.

-Вобаста ба тарбияи ҳисси ватандӯстӣ, таҳкими ҳувияти миллии ҷавонон ва дигар самтҳои афзалиятноки сиёсати давлатии ҷавонон дар ҷумҳурӣ аз ҷониби Кумита, сохторҳои маҳаллӣ ва ташкилотҳои система дар давраи ҳисоботӣ 16825 чорабинӣ бо иштироки 376576 нафар ҷавонон, афсарону сарбозон ва аҳли ҷамоатчигӣ баргузор карда шуд, - таъкид намуд, раиси КҶВ.

Доир ба нақшаи маблағгузории барномаҳои соҳавии кор бо ҷавонон ва варзиш, ки ба таври умда мушкилоти соҳавиро фарогир нестанд, гуфта шуд, ки чорабиниҳои муайяншуда барои фарогирии кулли ҷавонони кишвар басанда намебошанд. Инчунин дар давоми солҳои 2017 - 2021 барномаҳои сатҳи маҳаллӣ аз ҷониби мақомоти иҷроияи маҳаллии ҳокимияти давлатӣ ба таври дахлдор маблағгузорӣ нагардиданд. Дар ин замина, бо дарназардошти дар соли 2021 ба итмом расидани муҳлати амали “Барномаи миллии рушди иҷтимоии ҷавонони Тоҷикистон дар Ҷумҳурии Тоҷикистон барои солҳои 2017 - 2021” ва “Барномаи маҷмӯии рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2018 - 2021”, Кумита тасмим гирифтааст, ки дар нимсолаи якуми соли ҷорӣ гурӯҳи кории босалоҳиятро бо ҷалби мутахассисони вазорату идораҳои дахлдор фаро гирифта, барои таҳияи лоиҳаи барномаҳои болозикр барои солҳои минбаъда чораҷӯӣ намояд.
Дар идомаи нишаст доир ба татбиқи амалии сиёсати кадрӣ ва ҷалби бештари ҷавонон ба хизмати давлатӣ, хосса ҷавондухтарон нуктаҳои муҳим қайд гардида, дар ин маврид раиси КҶВ зикр дошт, ки аз 278 хизматчии давлатии сохтори Кумита, 3 нафар муовин (1 зан), 6 нафар сардори Раёсат (1 зан), 2 нафар муовини сардори Раёсат (1 зан), 4 нафар сардори Шуъба (1 зан), 97 (34,8%) нафар кадрҳои роҳбарикунанда, 68 нафар (24,4%) сармутахассис, 74 нафар (26,6 %) мутахассиси пешбар ва 39 нафар (14 %) мутахассис мебошанд, ки аз шумораи 269 нафар хизматчии давлатии фаъолияткунанда, 149 нафарашон ё 61,5% -ро ҷавонони аз 18 то 30 сола ташкил медиҳад.

Абдулло Раҳмонзода аз зиёд будани шумораи хизматчиёни давлатии то синни 35 сола изҳори хушнудӣ намуда, иброз дошт, ки шумораи онҳо 19210 нафарро ташкил медиҳад, ки ин 47,3% аз шумораи умумии хизматчиёни давлатӣ мебошад. Ҳамзамон, дар сафи Қувваҳои Мусаллаҳи кишвар, ҷузъу томҳои он, кормандони Вазорати мудофиа дар маҷмӯъ 87% ҷавонон мебошанд.

Вобаста ба самти варзиш гуфта шуд, то соли 2020 дар кишвар 10220 иншооти варзишӣ новобаста аз шакли моликияташон ба қайд гирифта шудааст, ки аз ин миқдор 122 варзишгоҳ, 7326 майдончаи варзишӣ, 1829 толорҳои варзишӣ, 96 ҳавзҳои шиноварӣ, 40 маҷмааҳо ва 807 иншооти махсуси варзишӣ, аз қабили боулинг, фитнес ва клубҳои ихтиёрӣ фаъолият менамоянд.

Роҳбарияи КҶВ нишондиҳандаи мазкурро ба солҳои пеш аз соҳибистиқлолӣ муқоиса намуда, афзуд, ки агар то даврони соҳибистиқлолӣ дар мамлакат ҳазор иншооти гуногуни варзишӣ мавҷуд бошад, ин шумора мувофиқи маълумотҳои оморӣ дар соли 2020 ба 10220 иншооти варзишӣ расид. Яъне, шумораи иншоотҳои варзишӣ дар 30 соли соҳибистиқлолӣ зиёда аз 10 маротиба зиёд гардид. Ҳамчунин дар соли 2020 дар шаҳру ноҳияҳои ҷумҳурӣ 147 иншооти варзишӣ бо харҷи зиёда аз 1 миллиарду 63 миллиону 168 ҳазору 800 сомонӣ сохта ба истифода дода шудааст.

Ҳамзамон иброз гардид, айни замон дар ҷумҳурӣ 127 мактабҳои варзишӣ амал менамоянд, ки дар онҳо 3992 гурӯҳҳо бо фарогирии 52983 машқварз, аз ҷумла 5787 нафар бону ба машқу тамрин фаро гирифта шудаанд. Инчунин соли 2020 бо ибтикори Кумита нахустин маротиба ба таври комилан фарогир 4774 мусобиқаи варзишӣ оид ба футбол байни деҳаҳо ва маҳаллаҳои аҳолинишини ҷамоатҳои шаҳрак ва деҳоти шаҳру ноҳияҳои ҷумҳурӣ баргузор гардид.

-Агар дар зарфи 70 соли даврони Шӯравӣ варзишгарони мо аз мусобиқаҳои сатҳи байналмилалӣ 133 медал (113 медали тилло, 9 медали нуқра ва 12 медали биринҷӣ) ба даст оварда бошанд, дар даврони соҳибистиқлолии кишвари азизамон ин рақам ба 5743 (1797 медали тилло, 1507 медали нуқра ва 2439 медали биринҷӣ) адад расидааст. Аз ҷумла, соли гузашта, 232 нафар варзишгари тоҷик бо дарназардошти вазъияти пандемияи каронавирус дар мусобиқаҳои сатҳи байналмилалӣ иштирок намуда, 124 медал ба хазинаи варзишии мамлакат ворид гардидааст, - иброз дошт, раиси КҶВ.

Доир ба ҳавасманд намудани варзишгарон гуфта шуд, ки шуруъ аз соли 2015 то инҷониб 184 нафар варзишгарони кишвар-ғолибон ва ҷоизадорони мусобиқаҳои байналмилалии варзишӣ 7 маротиба бо ҷоизаи Президенти Ҷумҳурии Тоҷикистон сарфароз гардонида шуданд, ки ҳаҷми умумии маблағи ҷоизапулӣ 3942500 (се миллиону нуҳсаду чилу дуҳазору панҷсад) сомониро ташкил медиҳад.

Қайд гардид, ки айни замон дар ҷумҳурӣ 63 федератсияҳои варзишӣ (32 федератсияҳои варзишӣ аз рӯи намудҳои олимпии варзиш ва 31 федератсияҳои варзишӣ аз рӯи намудҳои ғайриолимпии варзиш) расман фаъолият менамоянд. Ҳамчунин наврасону ҷавонони кишвар имрӯз аз рӯи 68 намуди варзиш машқу тамрин менамоянд.

Дар охири нишаст таъкид шуд, ки бо мақсади қадрдонӣ намудани варзишгарон ва мураббиёни варзиш соли сипаригардида, дар маҷмӯъ 107 нафар бо унвонҳои фахрӣ сарфароз гардонида шуданд. Тибқи натиҷаҳои бадастовардаи варзишгарон, ки ба таснифоти ягонаи варзишии Ҷумҳурии Тоҷикистон мутобиқ буданд, 320 нафар варзишгар ба унвонҳои варзишӣ сарфароз гардонида шуданд, ки аз ин шумора 16 нафарашон “Устоди варзиши дараҷаи байналмилалӣ” мебошанд.

Сайёра ШУКУРЗОДА,
Қиёмиддин МАҲМАДҶОНОВ,
“ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.