Дар нимсолаи якуми соли 2023 аз тарафи КВД “Хоҷагии манзилию коммуналӣ” ба истифодабарандагон ба маблағи 104 млн. 182 ҳазор сомонӣ хизматҳои гуногуни коммуналӣ расонида шудааст, ки нисбат ба ҳамин давраи соли гузашта дар ҳаҷми 3 млн. 065 ҳазор сомонӣ зиёд мебошад.

Дар ин бора 26 июл Раҷабалӣ Расулзода, муовини директори генералии КВД “Хоҷагии манзилию коммуналӣ” зимни нишасти матбуотӣ иттилоъ дод.

Гуфта шуд, дар ин давра таъминоти оби нӯшокӣ ба истифодабарандагон ба миқдори 30 млн. 704,5 ҳазор метри мукааб ба иҷро расонида шуда, 10 млн. 797 ҳазор метри мукааб баровардани партовҳои онҳо таъмин гардид.

Ф. САФАРОВА, “ҶТ”