Дар арафаи Рӯзи ғалаба бо қарори раиси шаҳри Душанбе Рустами  Эмомалӣ ба иштирокчиёни Ҷанги Бузурги Ватанӣ 697 800 сомонӣ  ҳамчун ҳавасмандӣ ҷудо гардид.

Тибқи қарори мазкур  ба ҳар як иштирокчӣ ва маъюби Ҷанги Бузурги Ватанӣ ба маблағи 1500 сомонӣ ва ба шахсони бо ордену медалҳои ҳарбӣ дар ақибгоҳ сарфарозгардида, шахсоне, ки зиёда аз шаш моҳ дар ақибгоҳ дар ин давра  кор кардаанд, маъюбони амалиёти ҷангӣ дар қаламрави давлатҳои дигар (Афғонистон),  садамаи Чернобил ва оилаҳое, ки саробони онҳо ҳангоми ҳимояи сохти конститутсионӣ ҳалок гардидаанд, ҳар кадоме ба андозаи 800 сомонӣ ҳавасманд карда мешаванд.