Имрӯз дар идораи рӯзномаи “Ҷавонони Тоҷикистон” вохӯрии Наҷмиддини Шоҳинбод, муовини раиси Иттифоқи журналистони Тоҷикистон бо аҳли эҷоди рӯзнома доир гардида, зимни он якчанд нафар аз аҳли эҷоди рӯзнома қадрдонӣ гардиданд.

Дар вохӯрӣ нахуст, Шодихони Назар, сармуҳаррири рӯзномаи “Ҷавонони Тоҷикистон” суханронӣ намуда, аз таваҷҷуҳи пайвастаи Иттифоқи журналистони Тоҷикистон ба рӯзнома изҳори хушнудӣ намуд.

Сипас, Наҷмиддини Шоҳинбод, муовини раиси Иттифоқи журналистони Тоҷикистон ибрози назар намуда, зимни баромади хеш аз нақши мондагори рӯзномаи “Ҷавонони Тоҷикистон” дар таърихи журналистикаи тоҷик ёдовар шуд ва саҳми рӯзномаро дар тарғиби дастовардҳои даврони соҳибистиқлолӣ ва баланд бардоштани сатҳи маънавиёти ҷомеа бузург арзёбӣ кард.

Дар охири вохӯрӣ, якчанд нафар кормандони рӯзнома, аз ҷумла Хуршед Шарипов, ҷонишини сармуҳаррири рӯзнома, Беҳрӯз Холмуродов, котиби масъули рӯзнома, Толибшоҳи Давлат, муҳаррири масъули рӯзнома, Шаҳло Эшонова, муҳаррири шуъбаи иқтисод ва иҷтимои рӯзнома ва Басгул Иброҳимова, мудири шуъбаи кадрҳои рӯзнома барои фаъолияти пурсамари эҷодӣ, таблиғи дастовардҳои Истиқлолияти давлатӣ ва ба муносибати Рӯзи ҷавонони Тоҷикистон бо Ифтихорномаи Иттифоқи журналистони Тоҷикистон қадрдонӣ гардиданд.

“ҶТ”