Давоми 6 моҳи соли ҷорӣ аз тарафи кормандони ҳифзи давлатии ҷангал доир ба вайрон кардани талаботи қонунгузории соҳаи хоҷагии ҷангал ва шикор нисбати ҳуқуқвайронкунандагон ба миқдори 1043 адад санад тартиб дода шуда, ба маблағи 350,9 ҳазор сомонӣ зарар муайян карда шудааст.

Ин нуктаро Абдуҷабор Юсуфзода, директори Агентии хоҷагии ҷангали назди Ҳукумати Ҷумҳурии Тоҷикистон имрӯз зимни нишасти матбуотӣ иброз намуданд.

Номбурда афзуд, ки аз миқдори умумии қонунвайронкуниҳои ошкоргардида, 503 адад ба маблағи 172,6 ҳазор сомонӣ ба буриши ғайриқонунӣ, 282 адад ба маблағи 128,4 ҳазор сомонӣ ба чорвочаронии худсарона, 87 адад ба маблағи 20,3 ҳазор сомонӣ ба ҷамъоварии худсаронаи гиёҳҳои хӯрдании шифобахш, 71 адад ба маблағи 5,1 ҳазор сомонӣ ба шикори беиҷозат, 14 адад ба маблағи 1,1 ҳазор сомонӣ риоя накардани қоидаҳои бехатарӣ аз сӯхтор дар ҷангал ва 86 адад ба маблағи 23,5 ҳазор сомонӣ ба дигар намуди қонунвайронкуниҳои ҷангал рост меояд.