Бо ташаббуси Бахши кор бо ҷавонон ва варзиши ноҳияи Бобоҷон Ғафуров ва бо дастгирии мақомоти иҷроияи ҳокимияти давлатии ноҳия дар арафаи Иди Қурбон дар доираи 1300 рӯзи ободонӣ аксияи тозагии оромгоҳҳо таҳти унвони “Мо ҷавонон ба гузаштагони худ арҷ мегузорем” доир гардид.

Аксия бо ҷалби васеи сокинон ва ҷавонон гузаронида шуда, инчунин дар ҳамин рӯз ҳашари умуминоҳиявӣ дар оромгоҳҳои ҳудуди ноҳия баргузор карда шуда, оромгоҳҳо тозаву озода карда шуданд.

Ба таъкиди масъулин мақсад аз баргузории аксия тозаву озода нигоҳ доштани оромгоҳҳо ва гирду атрофи он, пешгирии паҳншавии касалиҳои сироятӣ, тарбияи ҷавонон дар руҳияи ватандорӣ ва арҷ гузоштан ба гузаштагон мебошад.