Имрӯз аз тарафи рӯзномаи “Ҷавонони Тоҷикистон” дар якҷоягӣ бо Раёсати кор бо ҷавонон ва варзиши шаҳри Душанбе аксияи тақдими китоби “Душанбе - ганҷе дар қалби Осиё” гузаронида шуд.

Аксияи мазкур дар бинои “Шарқи озод” баргузор гардида, дар доираи он ба рӯзномаҳои “Ҷумҳурият”, “Садои мардум”, “Минбари халқ”, “Халқ овози”, “Народная газета”, “СССР” ва “Фараж”, ҳафтаномаҳои “Дайджест пресс” ва “Омӯзгор”, маҷаллаҳои “Бонувони Тоҷикистон”, “Хорпуштак”, “Илм ва ҳаёт”, “Истиқбол” ва “Чашма”, телевизиони "Шаҳнавоз" ва ҳамчунин ба АМИТ “Ховар” ва “Азия плюс” китоби “Душанбе - ганҷе дар қалби Осиё” тақдим карда шуд.

Зимни тақдими китоби мазкур роҳбарияти рӯзномаву ҳафтанома ва маҷаллаҳо баргузор кардани чунин аксияро иқдоми беҳтарин арзёбӣ карда, ба дастандаркорони он изҳори сипос намуданд.

Ёдовар мешавем, ки китоби “Душанбе - ганҷе дар қалби Осиё”, ки аз ҷониби Муассисаи давлатии рӯзномаи “Ҷавонони Тоҷикистон” дар мувофиқа бо Мақомоти иҷроияи ҳокимияти давлатии шаҳри Душанбе таҳия гардида, нашр шуд.

Китоб маҷмӯи очерку мақолаҳоеро фарогир аст, ки дар доираи як озмуни ҷумҳуриявии рӯзномаи “Ҷавонони Тоҷикистон” ва Раёсати кор бо ҷавонон ва варзиши шаҳри Душанбе ҷамъоварӣ шудаанд. Ин озмун давоми соли 2021 ба муносибати пойтахти фарҳангии ИДМ интихоб шудани шаҳри Душанбе дар соли 2021 таҳти унвони “Душанбе – ганҷе дар қалби Осиё” идома пайдо кард ва дар арафаи таҷлили чорабинии ҷамъбастии “Душанбе – пойтахти фарҳангии иттиҳод – 2021” ҷамъбаст гардид.

Дар маҷмӯа мақолаҳои олимон, сиёсатмадорон, журналистони касбӣ, донишҷӯён ва аҳли зиёи кишвар гирдоварӣ шудааст