Раёсати кор бо ҷавонон ва варзиши ВМКБ ва сохторҳои он дар ҳудуди шаҳру ноҳияҳои вилоят аксияи омавии тарғиботӣ - ташвиқотӣ таҳти унвони "Ҳаёти солим интихоби мост" - ро гузарониданд.

Дар ин бора Сураҷ Чоршанбиев, сардори раёсат иттилоъ дода гуфт, ки чорабинӣ ба муносибати Рӯзи умумиҷаҳонии мубориза бар зидди Вируси норасоии масунияти одам ва бемории пайдошудаи масунияти одам асосан дар шаҳри Хоруғ назди Бозори марказии шаҳр аз тарафи волонтёрони бахши кор бо ҷавонон ва варзиши шаҳр роҳандозӣ шуда, дар марказҳои ноҳияҳои вилоят низ бомаром гузашт.

Дар ҷараёни аксия кормандони масъули раёсат, бахшҳои он дар шаҳру навоҳӣ ва волонтёрон ба ҷавонону сокинони вилоят маводҳои иттилоотӣ оид ба пешгирии касалиҳои сироятӣ аз қабили ВНМО / БПНМ тақсим намуданд.