Имрӯз, 17 май бо ташаббуси Маркази пешгирӣ ва мубориза бар зидди ВНМО/ БПНМ – и ВМКБ дар маҳаллаҳои шаҳри Хоруғ аксияи “Рӯзи поси хотири фавтидагон аз БПНМ” баргузор гашт.

Дар ҷараёни он хоҳишмандон аз ташхиси бепул гузашта, барои теъдоди зиёди сокинони вилоят аз тарафи волонтёрони марказ, муҳассилини Донишгоҳи давлатии Хоруғ ба номи Моёншо Назаршоев ва Омӯзишгоҳи тиббии шаҳр маводҳои гуногуни таблиғотӣ оид ба пешгирии ин беморӣ тақсим шуд.

Гузаронидани чунин аксия дар ҷамоатҳои ноҳияи вилоят ҳам дар назар аст.