Бино ба таъкиди масъулини Кумитаи ҳолатҳои фавқулодаи назди Ҳукумати ҷумҳурӣ дар нимсолаи аввали соли 2018 дар Ҷумҳурии Тоҷикистон 145 ҳолати фавқулода ба қайд гирифта шуда, аз шумораи умумии ҳолатҳои ба қайд гирифташуда, 18 ҳодиса ба хоҷагии халқ зарари моддӣ ва маънавӣ расонидааст.

Бо зикри ин нукта масъулини кумитаи мазкур зимни нишасти матбуотӣ ҳамчунин иброз доштанд, ки дар натиҷаи офатҳои табиӣ 12 сокини кишвар- 5 нафар бар асари сангрезӣ, 2 нафар аз зарби раъду барқ, 1 нафар аз заҳролуд шудан бо гелиотроп ва 4 нафар бар асари сел ба ҳалокат расиданд.

Инчунин гуфта шуд, ки дар натиҷаи ҳолатҳои фавқулодаи табиӣ 1485 хонаи истиқоматӣ (28 хона пурра), 3836,99 га заминҳои кишт, 12 пул ва 11,346 км роҳи мошингард зарар дидааст.