Дар шашмоҳаи аввали соли 2019 дар натиҷаи офатҳои табиӣ 22 нафар шаҳрвандони кишвар ба ҳалокат расидаанд. 

Ин нукта имрӯз 25-июл, зимни нишасти хабарии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба рӯзноманигорон гуфта шуд.
 
Таъкид гардид, аз шумораи умумии ҳалокшудагони офатҳои табиӣ, ки 22 нафар мебошанд,  дар натиҷаи лағзиши  тарма 9 нафар, аз сел 7 нафар, резиши санг 3 нафар, аз боди шадид 2 нафар ва аз раъду барқ 1 нафар ҳалок шудаанд.