Дар шаш моҳи соли ҷорӣ 11 ҳодисаи нохуш ва 2 садамаи истеҳсолӣ ба қайд гирифта шуда,  дар натиҷа 6 нафар ҳалок ва 14 нафар ҷароҳатҳои гуногуни ҷисмонӣ бардоштаанд.

Ин нукта санаи 16 июл, зимни нишасти матбуотии Хадамоти давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон баён гардид.

Гуфта шуд, ки аз ҷониби масъулини хадамот барои роҳ додан ба камбудиҳо 121 нафар шахсони масъули корхонаҳо ба ҷавобгарии маъмурӣ кашида шуда, дар 31 адад корхонаҳо ҷиҳати боздошти кор нишондод дода шуд.  

Мушкилоти асосӣ дар бархе аз корхонаҳо мавҷуд набудани иҷозатномаи истифодаи иншооти истеҳсолие, ки хавфи сӯхтан ва таркидан доранд, таъмин набудани корхонаҳо бо мутахассисони соҳавӣ, аз муоинаи техникӣ нагузаронидани иншоотҳо ва таҷҳизоти хатарноке, ки муҳлати истифодабариашон гузаштааст, таъмин набудани қисмҳои чархзанандаи таҷҳизот бо рӯйпӯшҳои муҳофизатӣ ва бо либосҳои махсуси корӣ таъмин набудани кормандон арзёбӣ гардид. 

Зикр гардид, ки аз ҷониби масъулини соҳа барои ҳарчи бештар омода намудани мутахассисони соҳавии теъникӣ аз ҳисоби ҷавонон чораҳои судманд амалӣ гардида, айни ҳол 68 фоизи мутахассисони соҳавии хадамотро ҷавонон ташкил медиҳанд.