Дар автодроми автоматикунонидашудаи ба номи А. Турсунов, воқеъ дар кӯчаи Садриддин Айнии ноҳияи Шоҳмансури шаҳри Душанбе озмуни «Авто-бону-2018» гузаронида шуд.

Зикр намудан ба маврид аст, ки ин озмун соли чорум аст бо дастгирии Вазорати корҳои дохилӣ, дар арафаи ҷашни Рӯзи модар, аз тарафи Раёсати бозрасии давлатии автомобилии Вазорати корҳои дохилӣ гузаронида мешавад.

Дар озмун зиёда аз 50 нафар бонувони ронанда, ки дорои малакаи хуби ронандагӣ мебошанд, аз тамоми манотиқи кишвар ширкат варзиданд. Озмуни мазкур аз рӯи 5 давр гузаронида шуд.

Дар охири озмун ғолибонро муовини вазири корҳои дохилӣ, генерал-майори милитсия Маҳмадсаид Саидзода табрик намуда, ба онҳо ифтихорномаю диплом ва туҳфаҳои арзишнок тақдим намуд.