Дар ноҳияи Ишкошим бо иштироки раиси ноҳия Мирзозода Мусо Одинамуҳамад ва фарҳангчиёну адибони Вилояти Мухтори Кӯҳистони Бадахшон даври навбатии озмуни ҷумҳуриявии "Тоҷикистон - Ватани азизи ман" гузаронида шуд.

Тавре аз Бахши фарҳанги ноҳия иттилоъ доданд, даври дуюми озмун дар сатҳи баланд гузашта, дар умум аз 130 нафар ғолибони даври аввал, ки тамоми қишрҳои ҷомеаро ташкил доданд, 30 нафар ҳунармандону ҳаваскорони ноҳия (аз ҳаштсола то 40 – сола) ба даври ноҳиявӣ роҳ ёфтанд.

Пас аз ҷамъбасти даври ноҳиявӣ 10 нафар беҳтарин иштирокчиён ба даври вилоятии озмуни "Тоҷикистон - Ватани азизи ман" роҳхат гирифтанд.

Бояд гуфт, ки ғолибони даври дуюми озмун бо мукофотпуливу ифтихорномаи раиси ноҳия ва иштирокчиёни фаъол бо ифтихорномаҳои бахшҳои кор бо ҷавонон ва варзишу кор бо занон ва оила, шуьбаи маориф, бахши фарҳанги ноҳия ва рӯзномаи маҳаллии "Зиндагӣ" қадрдонӣ гардиданд.