Бо мақсади пешгирии ҷинояту ҷинояткорӣ, нашъамандӣ, авбошӣ ва дигар зуҳуроти номатлуб дар байни ҷавонону наврасон 2 август дар шуъбаи Вазорати корҳои дохилӣ дар шаҳри Қӯрғонтеппа вохӯрӣ доир гардид.

Дар вохӯрӣ сардори шубаи ВКД дар шаҳр Набиҷон Исозода иброз намуд, ки мақсади асосии баргузории вохӯрӣ бо раисони маҳаллаҳо ва имомхатибон, пеш аз ҳама, мустаҳкам намудани ҳамкории шаҳрвандон бо мақомоти ҳифзи ҳуқуқ, баланд бардоштани сатҳи дониши ҳуқуқии шаҳрвандон мебошад.

Ҳамчунин, дар рафти вохӯрӣ аз ҷониби сардори шуъбаи ВКД-и шаҳр ба раисони маҳаллаҳо, имомхатибон ва нозирони минтақавии милиса дастурамали корӣ, ки аз ҷониби шуъба омода шудааст, тақсим карда шуд.

Дар охир пешниҳод шуд, ки бо мақсади мустаҳкам намудани ҳамкорӣ миёни кормандони кормандони ҳифзи ҳуқуқ ва сокинони шаҳр мусобиқаи футбол ташкил ва гузаронида шавад.

 Умед МИРЗОЕВ, “ҶТ”