ҶОМЕА
Чоршанбе 17 Апрел 2024 06:46
9358
Дар Кумитаи кор бо занон ва оилаи назди Ҳукумати Ҷумҳурии Тоҷикистон 22 феврал бахшида ба 30-солагии таъсисёбии Қувваҳои Мусаллаҳ ҳамоиши “Бонувони шуҷои Ватан” бо иштироки бонувони низомипӯши сохторҳои қудратӣ ва ҳифзи ҳуқуқ баргузор гардид.

Ҳилолбӣ Курбонзода, раиси Кумитаи кор бо занон ва оилаи назди Ҳукумати кишвар ҳамоишро оғоз намуда, иброз дошт, ки Ҳукумати мамлакат ҳамеша ба бонувон таваҷҷуҳи махсус зоҳир намуда, баҳри ин қишри ҷомеа тамоми шароитҳоро фароҳам овардааст, то онҳо дар дилхоҳ соҳа фаъолияти назаррас дошта бошанд.

Таъкид гардид, ки дар партави дастгириҳои пайвастаи Пешвои миллат сол то сол теъдоди занону бонувон дар сохторҳои кудративу низомӣ зиёд гардида, имрӯз дар Суди Олӣ 249 нафар, Суди конститутсионӣ 9 нафар ба хайси судя ва ёрдамчиёни судяҳо, дар Прокуратураи генералӣ 72 нафар, Вазорати корҳои дохилӣ 1443 нафар, Вазорати мудофиа 519 нафар, Кумитаи давлатии амнияти миллӣ 842 нафар фаъолияти густурда дошта, дар умум 3 327 нафар занону бонувони матиниродаи тоҷик бо сарбаландӣ ба халқу ватан хизмат намуда истодаанд.

Дар охир ба иштирокчиён туҳфаҳои хотиравӣ супорида шуда, намоиши барномаи рангини фарҳангӣ анҷомбахши он гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.