Дар шаҳри Бохтари вилояти Хатлон ҳамоиши гирандагони стипендияи Президенти Ҷумҳурии Тоҷикистон баргузор гардид.

Дар ин бора Раёсати кор бо ҷавонон ва варзиши вилояти Хатлон иттилоъ медиҳад.

Гуфта мешавад, ки ҳамоиши гирандагони “Стипендияи президентӣ” дар толори театри мусиқӣ- мазҳакавии ба номи Ато Муҳаммадҷонови шаҳри Бохтар багузор гардида, дар он намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Рамазон Насриддинзода сардори Раёсати кор бо ҷавонон ва варзиши вилояти Хатлон ширкат доштанд.

Мавриди зикр аст, ки ҳамасола дар вилояти Хатлон зиёда аз ҳазор нафар хонандагони муассисаҳои таълимӣ соҳиби “Стипендияи президентӣ” мегарданд.