ҶОМЕА
Панҷшанбе 01 Декабр 2022 05:43
3523
Перомуни камбудиҳои Фестивалозмуни ҷумҳуриявии эҷодиёти халқ “Бӯстон-2017”

Дуруст ва бамаврид аст, ки бо фармони Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон соли 2017 “Соли ҷавонон” эълон карда шуд. Бахшида ба ин фармон дар саросари кишварамон озмуни ҷумҳуриявии эҷодиёти халқ “Бӯстон-2017” бо як маром гузаронида шуда истодааст. Ин падида ҳавасмандии халқ ва ҷавонони моро бедор мекунад. Шоири бузурги рус А.М.Горкий гуфтааст: “Ибтидои санъати сухан дар фолклор аст”. “Фолклор” калимаи англисӣ буда, маънояш “ҳикмати халқ” аст.

Камина ҳам аз хурдӣ санъат ва эҷодиёти халқро, хусусан халқи тоҷикро дӯст медорам ва санъаткори худомӯз ҳастам. Иштирокчии фестивали ҷумҳуриявии соли 1957 мебошам. Синам ба 73 расидааст. Аммо ҳоло ҳам дилам ҷавон аст. Дар ҳамаи чорабиниҳои ноҳиявию вилоятӣ иштирок мекунам, ҳатто дар чанд чорабинии ҷумҳуриявӣ ҳам иштирок кардам. Дар солҳои пешин “фестивал” мегуфтанд, баъдан “Бӯстон”, “Андалеб” ва дигар номҳо баромад. Хулоса, чӣ гуфтаниям? Дар “Бӯстони ҳозира” ҷавонон хуб ҳунарнамоӣ карда истодаанд. Ман ба онҳо аҳсан мегӯям. Аммо як камбудӣ ҳаст. Баъзе ноҳияҳо ҳамаи шартҳои муқарраршуда, хусусан суруди ҳаҷвӣ, бадеҳа ва рақси гурӯҳиро иҷро намекунанд. Солҳои пеш дар рақси гурӯҳи писару духтар, мӯйсафеду пиразанҳо умумӣ рақс мекарданд. Агар ин камбудиҳо бартараф шаванд, ин чорабинӣ боз ҳам зебо гашта, мазмуну муҳтавояш дучанд мегардид.

Т. САФАРАЛИЕВ, омӯзгори собиқадор аз ноҳияи Хуросон

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Декабр 2022 c.