ҶОМЕА
Ҷумъа 19 Апрел 2024 11:38
Ҳоли муҳоҷирони дар карантин қарордоштаи тоҷик нигаронкунанда нест!
То рӯзи 21-уми апрел дар тамоми сайёра шумораи гирифторони коронавирус ба 2 496 966 ҳолат расидааст. Аз ин шумора 171 240 нафар фавтидаанд ва дар умум 656 024 нафар шифо ёфтаанд. Ин шумора ҳар рӯз ба таври гуногун тағйир ёфта истодааст. Дар ин замина дар тамоми кишварҳое, ки ин вирус ба қайд гирифта шудааст, ҳолати карантин эълон шудааст.
Чӣ гунае ки дар матолиби марбут ба муҳоҷирони меҳнатӣ дар шумораи қаблии рӯзнома иттилоъ дода будем, ВКД Федератсияи Русия аз 19-уми март қарори тамдиди муҳлати будубоши муваққатӣ, патент, раводид ва иҷозаи корро барои хориҷиён ва муҳоҷирони меҳнатӣ содир намуда буд. Вале тибқи иттилои сарчашмаҳои расмии ин кишвар пардохти моҳона барои патентро чун пештар бетағйир гузошт.
Вобаста ба ин ҳолати ҷойдошта дар миёни муҳоҷирон, аз ҷумла муҳоҷирони тоҷики муқими Русия изҳори норозигиву шикоятҳо авҷ гирифт ва наворҳои бешуморе дар расонаҳо ва шабакаҳои иҷтимоӣ нашр шуданд.
Дар наворҳо гуфта мешуд, ки муҳоҷирон, махсусан, онҳое, ки дар фурудгоҳҳои Русия дармондаанд, аз гуруснагӣ ва набудани шароити хобидан, чанд рӯз азият кашидаанд. Вале он гунае, ки расонаҳои иттилоотии кишвар, махсусан АМИТ “Ховар” давоми моҳи март ва апрел гузоришҳои зиёдеро нашр кардааст, дар онҳо аз кӯмакҳои мухталифи Ҳукумати кишвар, соҳибкорони ватанӣ, соҳибкорони тоҷики муқими Русия ва фаъолияти ихтиёрии ҷавонони фаъоли муҳоҷир ба муҳоҷирони ниёзманд гуфта мешавад.
Сафорати Тоҷикистон дар Русия дар саҳифаи фейсбукии худ низ мунтазам барои риояи қоидаҳои бехатарӣ ва омодаи кӯмаку ҳамкорӣ бо муҳоҷирон будан гузоришҳо нашр кардааст. Дида мешуд, ки тақрибан дар тамоми гузоришоти сафорат рақамҳои телефони намояндагии сафорат дар минтақаҳои гуногуни Русия ва почтаҳои электронӣ қайд шуда буданд, то муҳоҷирон ва дигар нафарони ниёзманд тавонанд, бо масъулини сафорат иртибот пайдо кунанд.
Дар ин росто, 15-уми апрел Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин бо ҳам алоқаи телефонӣ доштанд ва дар суҳбати худ масъалаҳои марбут ба муносиботи дуҷонибаи кишварҳоро, махсусан дар давраи вуҷуд доштани бемории коронавирус, баррасӣ карданд.
Чӣ гунае, ки дар матни гузориши нашршуда дар сомонаи Вазорати корҳои хориҷии кишвар оварда шудааст, Роҳбари давлати Тоҷикистон барои сабукӣ овардан ба муҳоҷирон ба ҳамтои худ дар Русия изҳори сипос намудааст. Дақиқан пас аз ҳамин суҳбати роҳбарони ду давлат буд, ки дар расонаҳои иттилоотии Тоҷикистону Русия ва як қатор кишварҳои дигар хабари навбатии марбут ба бидуни пардохти ҳаққи патенту раводид иҷозаи будубош ва кор ба муҳоҷирони меҳнатӣ дар Русия дода шудан, нашр шуд.
Дар ҳамин ҳол, қарори қатъии мақомоти Русия дар мавриди риояи ҳолати карантин ҳам барои шаҳрвандони худ ва ҳам муҳоҷирон бетағйир боқӣ монд. Вале аз он ҷойе, ки акнун муҳоҷирон метавонанд бидуни пардохти маблағи патент ва тахт кардани дигар ҳуҷҷатҳои лозима дар ҳудуди Русия қарор дошта бошанд, барои худи муҳоҷирон аз як тараф сабукӣ ва аз ҷониби дигар нигаронӣ овард.
Ин ҳол танҳо дар миёни муҳоҷирони муқими Русия буда, дар доираҳои муҳоҷирони қарордошта дар кишварҳои дигар вазъ гуногун аст. Дар ин росто, мо бо як қатор муҳоҷирони тоҷике, ки айни ҳол дар кишварҳои гуногун қарор доранд, дар тамос шудем ва аз онҳо дар бораи давраи карантин пурсидем.
Саддам Қурбонов, муҳоҷири 23-солаи тоҷик, ки айни ҳол дар Федератсияи Русия қарор дорад, дар суҳбат бо мо гуфт, ки ҳолати карантинии онҳо маъмулӣ ва ба мисли муҳоҷирони дигар мегузарад.
- Ягона мушкилии мо дур будан аз Ватан аст. Вале зиндагӣ аст, бояд талош кунему зиндагиро пеш барем. Имрӯз бошад, дар илова ба оне ки фикри ҳимояи ҷони худро мекунем, боз фикри ҳамешагии дурӣ аз Ватан, аз наздикону пайвандон азобамон медиҳад. Дар ҳамин ҷойе, ки мо ҳастем, Худоро шукр дар мавриди хӯрокворӣ мушкилии ҷиддие надорем. Саломатии ҳамаамон хуб аст,- мегӯяд ӯ.
Дар ин баробар дар чӣ вазъ қарор доштани муҳоҷирони тоҷики қарордошта дар кишварҳои ғайр аз Русия ҳам пайвандони эшонро нигарон кардааст.
Аҳлиддин Салимов, рӯзноманигори тоҷик, ки айни ҳол муҳоҷир дар шаҳри Ню-Йорки кишвари Амрико аст, моҳи гузашта матлаберо бо номи “Вирус тоҷикони Амрикоро хонашин, аммо ҷӯянда кард” дар саҳифаи фейсбукияш нашр карда буд. Рӯзноманигори тоҷик дар матлабаш аз вазъи нисбатан хуби муҳоҷирони тоҷик дар Амрико ҳарф мезанад ва мегӯяд, ки чӣ гуна пайдо шудани коронавирус дар Амрико тоҷикони муқими ин кишварро ҷӯянда кард ва бо қарор гирифтан дар ҳолати карантин тоҷикон тариқи воситаҳои интернетӣ пайи дарёфти касбу корҳои беҳтар ва омӯзиши онҳо талош варзиданд.
Муаллиф бо нигоштани ин матлаб мехоҳад, бигӯяд, ки муҳоҷирони тоҷик дар Амрико барои эмин мондан аз ҳуҷумҳои равонии марбут ба коронавирус ва ҳангомаҳои он худро бо омӯзишу ҷӯяндагӣ бештар машғул доштанд ва талош карданд, ки бо риояи қоидаҳои ҷорӣ дар манзилҳои хеш давраи карантини эълоншударо сипарӣ намоянд.
Ин муҳоҷир-рӯзноманигори тоҷик ҳамчунин гуфт, ки ҳукумати Амрико барои тамоми шаҳрвандон, шахсони бешаҳрванд ва муҳоҷирони қонуниву ғайриқонунии кишвараш эълон доштааст, ки нафароне ниёз ба маводи хӯрокаву нӯшиданӣ ва дигар намуди кӯмакҳо доранд, метавонанд муроҷиат кунанд ва бидуни мушкилӣ маводи мавриди ниёзашон ба онҳо тақдим карда шавад.
Эмомалӣ Сайидзод, муҳоҷири ҷавони тоҷик, ки камтар аз як сол мешавад, дар Туркия қарор дорад, дар суҳбат бо мо чунин иброз дошт: “Коронавирус дар Туркия вазъи ин кишварро хело тағйир дод. Туркия кишвари сайёҳист ва асоси муҳоҷиронашро ӯзбеку туркману тоҷикҳо ташкил медиҳанд. Дар аввал таъсири вирус ба ин ҷо хело қавӣ буд, чун тақрибан 90 фисади мардум бекор шуданд. Муҳоҷирон тақрибан ҳамагӣ бекор монданд. Мо шаш нафар тоҷик, ки қаблан дар тарабхонаҳо кор мекардем, имрӯз бекорем! Баъзан бачаҳои мо натавонистанд маошашонро бигиранд. Ҳоло танҳо аз пулҳои захиракардаамон рӯз мегузаронем. Аз дигар кишварҳо ҳам ба мо пул равон карда наметавонанд, чун қисми зиёди бонкҳо низ бастаанд. Чанд рӯз қабл як ҷавони тоҷик, ки ин ҷо тоҷир аст, бароямон як миқдор маводи ғизоӣ овард. Мо воқеан ба кӯмаки эшон ниёз доштем”.
Эмомалӣ мегӯяд, ки ҳолат ҳар гунае ҳам ки бошаду набошад, ҳама муҳоҷирони тоҷики ин кишвар талош бар он мекунанд, ки ба ҳамдигар ба ҳар василае дасти кӯмак дароз кунанд. Чун ин шабу рӯзҳо ҳама ниёзманди дастгирии ҳамдигаранд.
Ба ҷойи хулоса
Дар ҳамин шабу рӯзҳое, ки аксарияти кишварҳои олам оғуштаи ҳамин вирус гаштаанду чанд кишвари ангуштшумор аз ин офат дар амон мондаанд, сазовор аст, ки расонаҳои иттилоотии кишвари мо ва умуман мақомот ва нафарони масъулу фаъолони ҷомеаҳои шаҳрвандӣ бештар барои баланд кардани руҳияи аҳли ҷомеа талош варзанд. То кунун, ки қадами ин вирус ба кишвари мо нарасидааст, ба ҷойи ҳангомаангезӣ ва ҳуҷумҳои равонӣ ба руҳияи мардум беҳтар аст, ки мунтазам аз омори шифоёфтагон бигӯем ва ҳисси дилгармии бештар ба зиндагӣ бахшем. Ҷомеаи мо, ки аксаран ҷомеаи мусалмонии суннатист бояд ҳамагӣ бар ин бовар устувор бошем, ҳар дардеву мусибатеро, ки Худо овард, давою чораашро ҳам мефиристад. Ва албатта он даво ва роҳи ҳалли мушкилотро тавассути донандагони илму фан барои башарият арзонӣ медорад. Худро бештар бо чизҳое, ки руҳияи моро тақвият мебахшанд, андармон созем. Ҳадди ақал аз муҳоҷирони хеш ибрат гирем, ки бо вуҷуди дар нуқтаҳои доғи ин вабо қарор доштан, ҳанӯз даст аз домони умед ва бовариву хушгумонӣ барнадоштаанд. Зиндагӣ бо вуҷуди ҳар вирусе то ба ҳанӯз идома дорад. Биёед, ба ояндаи худ, зиндагӣ ва дунёву башарият некбин бошем!
То рӯзи 21-уми апрел дар тамоми сайёра шумораи гирифторони коронавирус ба 2 496 966 ҳолат расидааст. Аз ин шумора 171 240 нафар фавтидаанд ва дар умум 656 024 нафар шифо ёфтаанд. Ин шумора ҳар рӯз ба таври гуногун тағйир ёфта истодааст. Дар ин замина дар тамоми кишварҳое, ки ин вирус ба қайд гирифта шудааст, ҳолати карантин эълон шудааст.
Чӣ гунае ки дар матолиби марбут ба муҳоҷирони меҳнатӣ дар шумораи қаблии рӯзнома иттилоъ дода будем, ВКД Федератсияи Русия аз 19-уми март қарори тамдиди муҳлати будубоши муваққатӣ, патент, раводид ва иҷозаи корро барои хориҷиён ва муҳоҷирони меҳнатӣ содир намуда буд. Вале тибқи иттилои сарчашмаҳои расмии ин кишвар пардохти моҳона барои патентро чун пештар бетағйир гузошт.
Вобаста ба ин ҳолати ҷойдошта дар миёни муҳоҷирон, аз ҷумла муҳоҷирони тоҷики муқими Русия изҳори норозигиву шикоятҳо авҷ гирифт ва наворҳои бешуморе дар расонаҳо ва шабакаҳои иҷтимоӣ нашр шуданд.
Дар наворҳо гуфта мешуд, ки муҳоҷирон, махсусан, онҳое, ки дар фурудгоҳҳои Русия дармондаанд, аз гуруснагӣ ва набудани шароити хобидан, чанд рӯз азият кашидаанд. Вале он гунае, ки расонаҳои иттилоотии кишвар, махсусан АМИТ “Ховар” давоми моҳи март ва апрел гузоришҳои зиёдеро нашр кардааст, дар онҳо аз кӯмакҳои мухталифи Ҳукумати кишвар, соҳибкорони ватанӣ, соҳибкорони тоҷики муқими Русия ва фаъолияти ихтиёрии ҷавонони фаъоли муҳоҷир ба муҳоҷирони ниёзманд гуфта мешавад.
Сафорати Тоҷикистон дар Русия дар саҳифаи фейсбукии худ низ мунтазам барои риояи қоидаҳои бехатарӣ ва омодаи кӯмаку ҳамкорӣ бо муҳоҷирон будан гузоришҳо нашр кардааст. Дида мешуд, ки тақрибан дар тамоми гузоришоти сафорат рақамҳои телефони намояндагии сафорат дар минтақаҳои гуногуни Русия ва почтаҳои электронӣ қайд шуда буданд, то муҳоҷирон ва дигар нафарони ниёзманд тавонанд, бо масъулини сафорат иртибот пайдо кунанд.
Дар ин росто, 15-уми апрел Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин бо ҳам алоқаи телефонӣ доштанд ва дар суҳбати худ масъалаҳои марбут ба муносиботи дуҷонибаи кишварҳоро, махсусан дар давраи вуҷуд доштани бемории коронавирус, баррасӣ карданд.
Чӣ гунае, ки дар матни гузориши нашршуда дар сомонаи Вазорати корҳои хориҷии кишвар оварда шудааст, Роҳбари давлати Тоҷикистон барои сабукӣ овардан ба муҳоҷирон ба ҳамтои худ дар Русия изҳори сипос намудааст. Дақиқан пас аз ҳамин суҳбати роҳбарони ду давлат буд, ки дар расонаҳои иттилоотии Тоҷикистону Русия ва як қатор кишварҳои дигар хабари навбатии марбут ба бидуни пардохти ҳаққи патенту раводид иҷозаи будубош ва кор ба муҳоҷирони меҳнатӣ дар Русия дода шудан, нашр шуд.
Дар ҳамин ҳол, қарори қатъии мақомоти Русия дар мавриди риояи ҳолати карантин ҳам барои шаҳрвандони худ ва ҳам муҳоҷирон бетағйир боқӣ монд. Вале аз он ҷойе, ки акнун муҳоҷирон метавонанд бидуни пардохти маблағи патент ва тахт кардани дигар ҳуҷҷатҳои лозима дар ҳудуди Русия қарор дошта бошанд, барои худи муҳоҷирон аз як тараф сабукӣ ва аз ҷониби дигар нигаронӣ овард.
Ин ҳол танҳо дар миёни муҳоҷирони муқими Русия буда, дар доираҳои муҳоҷирони қарордошта дар кишварҳои дигар вазъ гуногун аст. Дар ин росто, мо бо як қатор муҳоҷирони тоҷике, ки айни ҳол дар кишварҳои гуногун қарор доранд, дар тамос шудем ва аз онҳо дар бораи давраи карантин пурсидем.
Саддам Қурбонов, муҳоҷири 23-солаи тоҷик, ки айни ҳол дар Федератсияи Русия қарор дорад, дар суҳбат бо мо гуфт, ки ҳолати карантинии онҳо маъмулӣ ва ба мисли муҳоҷирони дигар мегузарад.
- Ягона мушкилии мо дур будан аз Ватан аст. Вале зиндагӣ аст, бояд талош кунему зиндагиро пеш барем. Имрӯз бошад, дар илова ба оне ки фикри ҳимояи ҷони худро мекунем, боз фикри ҳамешагии дурӣ аз Ватан, аз наздикону пайвандон азобамон медиҳад. Дар ҳамин ҷойе, ки мо ҳастем, Худоро шукр дар мавриди хӯрокворӣ мушкилии ҷиддие надорем. Саломатии ҳамаамон хуб аст,- мегӯяд ӯ.
Дар ин баробар дар чӣ вазъ қарор доштани муҳоҷирони тоҷики қарордошта дар кишварҳои ғайр аз Русия ҳам пайвандони эшонро нигарон кардааст.
Аҳлиддин Салимов, рӯзноманигори тоҷик, ки айни ҳол муҳоҷир дар шаҳри Ню-Йорки кишвари Амрико аст, моҳи гузашта матлаберо бо номи “Вирус тоҷикони Амрикоро хонашин, аммо ҷӯянда кард” дар саҳифаи фейсбукияш нашр карда буд. Рӯзноманигори тоҷик дар матлабаш аз вазъи нисбатан хуби муҳоҷирони тоҷик дар Амрико ҳарф мезанад ва мегӯяд, ки чӣ гуна пайдо шудани коронавирус дар Амрико тоҷикони муқими ин кишварро ҷӯянда кард ва бо қарор гирифтан дар ҳолати карантин тоҷикон тариқи воситаҳои интернетӣ пайи дарёфти касбу корҳои беҳтар ва омӯзиши онҳо талош варзиданд.
Муаллиф бо нигоштани ин матлаб мехоҳад, бигӯяд, ки муҳоҷирони тоҷик дар Амрико барои эмин мондан аз ҳуҷумҳои равонии марбут ба коронавирус ва ҳангомаҳои он худро бо омӯзишу ҷӯяндагӣ бештар машғул доштанд ва талош карданд, ки бо риояи қоидаҳои ҷорӣ дар манзилҳои хеш давраи карантини эълоншударо сипарӣ намоянд.
Ин муҳоҷир-рӯзноманигори тоҷик ҳамчунин гуфт, ки ҳукумати Амрико барои тамоми шаҳрвандон, шахсони бешаҳрванд ва муҳоҷирони қонуниву ғайриқонунии кишвараш эълон доштааст, ки нафароне ниёз ба маводи хӯрокаву нӯшиданӣ ва дигар намуди кӯмакҳо доранд, метавонанд муроҷиат кунанд ва бидуни мушкилӣ маводи мавриди ниёзашон ба онҳо тақдим карда шавад.
Эмомалӣ Сайидзод, муҳоҷири ҷавони тоҷик, ки камтар аз як сол мешавад, дар Туркия қарор дорад, дар суҳбат бо мо чунин иброз дошт: “Коронавирус дар Туркия вазъи ин кишварро хело тағйир дод. Туркия кишвари сайёҳист ва асоси муҳоҷиронашро ӯзбеку туркману тоҷикҳо ташкил медиҳанд. Дар аввал таъсири вирус ба ин ҷо хело қавӣ буд, чун тақрибан 90 фисади мардум бекор шуданд. Муҳоҷирон тақрибан ҳамагӣ бекор монданд. Мо шаш нафар тоҷик, ки қаблан дар тарабхонаҳо кор мекардем, имрӯз бекорем! Баъзан бачаҳои мо натавонистанд маошашонро бигиранд. Ҳоло танҳо аз пулҳои захиракардаамон рӯз мегузаронем. Аз дигар кишварҳо ҳам ба мо пул равон карда наметавонанд, чун қисми зиёди бонкҳо низ бастаанд. Чанд рӯз қабл як ҷавони тоҷик, ки ин ҷо тоҷир аст, бароямон як миқдор маводи ғизоӣ овард. Мо воқеан ба кӯмаки эшон ниёз доштем”.
Эмомалӣ мегӯяд, ки ҳолат ҳар гунае ҳам ки бошаду набошад, ҳама муҳоҷирони тоҷики ин кишвар талош бар он мекунанд, ки ба ҳамдигар ба ҳар василае дасти кӯмак дароз кунанд. Чун ин шабу рӯзҳо ҳама ниёзманди дастгирии ҳамдигаранд.
Ба ҷойи хулоса
Дар ҳамин шабу рӯзҳое, ки аксарияти кишварҳои олам оғуштаи ҳамин вирус гаштаанду чанд кишвари ангуштшумор аз ин офат дар амон мондаанд, сазовор аст, ки расонаҳои иттилоотии кишвари мо ва умуман мақомот ва нафарони масъулу фаъолони ҷомеаҳои шаҳрвандӣ бештар барои баланд кардани руҳияи аҳли ҷомеа талош варзанд. То кунун, ки қадами ин вирус ба кишвари мо нарасидааст, ба ҷойи ҳангомаангезӣ ва ҳуҷумҳои равонӣ ба руҳияи мардум беҳтар аст, ки мунтазам аз омори шифоёфтагон бигӯем ва ҳисси дилгармии бештар ба зиндагӣ бахшем. Ҷомеаи мо, ки аксаран ҷомеаи мусалмонии суннатист бояд ҳамагӣ бар ин бовар устувор бошем, ҳар дардеву мусибатеро, ки Худо овард, давою чораашро ҳам мефиристад. Ва албатта он даво ва роҳи ҳалли мушкилотро тавассути донандагони илму фан барои башарият арзонӣ медорад. Худро бештар бо чизҳое, ки руҳияи моро тақвият мебахшанд, андармон созем. Ҳадди ақал аз муҳоҷирони хеш ибрат гирем, ки бо вуҷуди дар нуқтаҳои доғи ин вабо қарор доштан, ҳанӯз даст аз домони умед ва бовариву хушгумонӣ барнадоштаанд. Зиндагӣ бо вуҷуди ҳар вирусе то ба ҳанӯз идома дорад. Биёед, ба ояндаи худ, зиндагӣ ва дунёву башарият некбин бошем!
Хабарҳои дигар
Рӯзнома
Эзоҳи худро нависед