Вобаста ба пешгирӣ ва мубориза бар зидди вируси норасоии масъунияти одаму бемории пайдошудаи норасои масунияти одам дар Донишгоҳи давлатии Хоруғ ба номи Моёншо Назаршоев бо ширкати зиёда аз 70 нафар ҷавонону донишҷӯён ва омӯзгорони донишгоҳ семинар – машварат баргузор гардид.

Дар он декани факултети биологияи донишгоҳ профессор Акбар Мамамадризозонов, мудири кафедраи биологияи умумӣ Зартогул Хусравбекова, раиси Созмони ҷавонони факулта Фирдавс Имомзода ва мутахассисони соҳаи тандурустӣ баромад намуда, перомуни пешгирии касалӣ ба ҳозирин машваратҳои судманд доданд.

Зикр гашт, ки феълан ВНМО қариб дар ҳамаи мамлакатҳои дунё расман ба қайд гирифта шуда, то соли соли 2011 аз он 60 млн. нафар аҳолии сайёра сироят ёфтанд ва аз ин теъдод 25 млн. нафар алакай ба ҳалокат расидаанд.

Ҳоло агар дар Ҷумҳурии Тоҷикистон 11 ҳазору 763 нафар гирифторони ВНМО/БПНМ расман ба қайд гирифта шуда бошанд, дар ВМКБ аз соли 2003 то ҳозир 673 нафар ба ин касалӣ мубтало гашта, 298 нафар сокинони вилоят фавтиданд.

Дар сатҳи ҷаҳон дар як дақика на камтар аз 15 одам бо ВНМО сироят меёбад ва барои ин роҳандозии корҳои фаҳмондадиҳию тарғиботӣ аз ҳарвақта бештар зарур аст.