Ҷараёни ваксинагузаронӣ дар Ҷумҳурии Тоҷикистон идома дошта, ҳамарӯза дар марказҳои саломатии шаҳру ноҳияҳо шумораи зиёди шаҳрвандон бо ваксинаҳои навъи Спутник V, CoronaVac, Astra Zeneca ва Moderna фаро гирифта мешаванд.

Дар асоси нақшаи пешбинишуда то моҳи октябри соли ҷорӣ 2 млн 632 ҳазору 58 нафар ва ё 45%-и аҳолии кишвар бо ваксина фаро гирифта шуданд.

Дар ин бора маркази матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистонт иттилоъ дод.

Гуфта шуд, ки ин раванд бомаром идома дошта, ҳамарӯза теъдоди зиёди шаҳрвандон барои ҳифзи саломатии худу наздикон дар марказҳои саломатӣ эм карда машаванд.

Қайд гардид, ки аз 17086 нафар гирифторони бемории сироятии коронавирус 16960 нафар шифо ёфта, 126 каси дигар фавтидаанд. Инчунин давоми якчанд шабонарӯзи охир дар ҳудуди кишвар ягон ҳолати гирифторшавии шаҳрвандон ба бемории коронавирус - COVID-19 ба қайд гирифта нашудааст.