Ҷасади Шуҳрат Исматуллоев ду рӯз пеш аз як ҷазирачаи назди шаҳраки Саразми Панҷакент ёфт шудааст.

Дар ин бора Юсуф Раҳмон, Прокурори генералии Ҷумҳурии Тоҷикистон дар нишасти матбуотии ин ниҳод рӯзи 15-уми август хабар дод.

Юсуф Раҳмон гуфт, ки тибқи экспертизаи духтури дандон аниқ муайян шудааст, ки ҷасад ба Ш. Исматуллоев тааллуқ дорад.

Вобаста ба ин ҳолат то ҳол нисбати 16 нафар парвандаи ҷиноятӣ боз шуда, 13 нафари онҳо дасгир гардидаанд.

Инчунин Прокурори генералӣ қайд намуд, ки дар рабудан ва қатли Шуҳрат Исматуллоев бевосита 5 нафар иштирок доштанд, ки аз онҳо 1 нафар дасгир гардида, як нафар ба қатл расонида шуда, 3 нафар дар хориҷи кишвар мавриди ҷустуҷӯ қарор доранд.

Яҳё МАҲМАДНАБИЕВ, “ҶТ”