Дар беморхонаи табобати бемориҳои сил, воқеъ дар деҳаи Мачитони шаҳри Ваҳдат доир ба Рӯзи умумиҷаҳонии мубориза бар зидди бемории сил, ки ҳамасола санаи 24 март дар тамоми ҷаҳон қайд мегардад, чорабинии наврӯзӣ баргузор гардид.

Фирӯз Шарифов, директори беморхонаи табобати бемориҳои сил, чорабиниро ифтитоҳ бахшида, иброз дошт, ки Наврӯз чун ҷашни умумимиллӣ барои халқи мо мероси таърихӣ ба шумор меравад, зеро он аз гузаштагон ба ёдгор мондааст. Наврӯз барои мардуми мо на танҳо хушнудиву шодмонӣ меорад, балки як восита ва айёми созандагиву ободкорӣ буда, ба пешрафту ободии ҳар як хонадон ва сарзаминамон мусоидат менамояд.

Дар маҳфили наврӯзӣ кормандони беморхона хони пурнозу неъмати баҳорӣ ороста, иди зиндашавии табиатро бо шукуҳу шаҳомати хосса пешвоз гирифтанд. Инчунин дар доираи чорабинии идона 23 нафар кӯдакон тӯйи хатнасур карда шуда, ба онҳо туҳфаҳои хотиравӣ тақдим гардид.