Ба муносибати ҷашни Сада дар майдони Исмоили Сомонии шаҳри Хоруғ чорабинии идона баргузор гардид.

Дар он намояндагони мақомоти иҷроияи маҳаллии ҳокимияти давлатии ВМКБ, Раёсати кор бо ҷавонон ва варзиш, идораву муассисаҳои маҳаллӣ ва ҷавонону наврасони вилоят ширкат варзиданд.

Зикр гардид, ки Сада яке аз идҳои бостонии мардуми ориёитабор ва арзишҳои волои аҷдодӣ ба шумор меравад, ки гиромӣ доштани он барои тамоми тоҷикони дунё муҳим аст.

Дар барномаи ҷашнӣ ҳамчунин молу маҳсулот, ҳунарҳои мардумӣ, таомҳои миллӣ ба маърази намоиш гузошта шуд.

Баҳри дӯстдорони рақсу суруд оҳангҳои ҷолиби сарояндагон ва ҳаваскорони ҷавони вилоят пешкаш гардид.