Ба ифтихори 30 – солагии Истиқлолияти Ҷумҳурии Тоҷикистон дар маркази Вилояти Мухтори Кӯҳистони Бадахшон, шаҳри Хоруғ шаш чароғаки раҳнамову ду чароғаки пиёдагардии рақамӣ мавриди баҳрабардорӣ қарор гирифт.

Чароғакҳо дар доираи ҳамкории муштараки Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ва Ҷамъияти дорои масъулияташ маҳдуди “Панҷ” ба маблағи умуми 100 000 сомонӣ ба истифода дода шуданд.

Тавре аз ҷамъияти зикршуда иттилоъ доданд, дар доираи ин ҳамкорӣ дар ояндаи наздик бо супориши раиси ВМКБ Ёдгор Файзов мумфаршкунии роҳҳои аҳамияти байналмилалӣ - минтақавӣ ва маҳалии маркази вилоят амалӣ мешавад.