Дар ноҳияи Ашт ба нӯҳ нафар иштирокчиёни Ҷанги Бузурги Ватании солҳои 1941-1945 аз ҷамоатҳои деҳоти Понғоз (3 нафар), Пунук (2), Ашт (2 ), Ориён (1) ва Ифтихор (1) кӯмакпулии Пешвои муаззами миллат Эмомалӣ Раҳмон дар ҳаҷми 6000 сомонӣ ва раиси вилояти Суғд Раҷаббой Аҳмадзода дар ҳаҷми 4000 сомонӣ супорида шуд.

Ҳамчунин кӯмакпулии яквақтаи раиси вилоят ба 25 нафар заҳматкашони ақибгоҳ дар ҳаҷми 2 ҳазор сомонӣ тақдим карда гардид. Кӯмакпулиҳои Пешвои миллат аз ҷониби муовини сардори Раёсати илм ва маърифати Дастгоҳи иҷроияи Президенти Ҷумҳурии Тоҷикистон Адҳам Маъмурзода ва кӯмакпулиҳои раиси вилояти Суғд аз ҷониби сардори Раёсати кор бо ҷавонон ва варзиши вилоят Мирзоқосим Каримзода бо эҳтироми самимӣ супорида шуданд.