ҶОМЕА
Сешанбе 21 Июл 2026 09:25
Дар Тоҷикистон ба ҷавонон ҳамчун неруи пешбарандаи ҷомеа ва ояндасози давлату миллат таваҷҷуҳи махсус равона шуда, барои кору таҳсил, машғул шудан ба варзиш ва омӯзиши касбу ҳунар тамоми шароити зарурӣ фароҳам оварда шудааст. Бо шарофати сиёсати ҷавонпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷавонон ҳамеша аз дастгириҳои давлатӣ бархӯрдор гардида, дар пешбурди ҷомеа ва рушду пешрафти соҳаҳои мухталиф саҳми арзанда мегузоранд.
Бо мақсади огоҳӣ аз дастоварди ҷавонони ноҳияи Ашт, рафти татбиқи барномаҳои муҳими давлатӣ дар соҳаи кор бо ҷавонон ва варзиш, фароҳам овардани шароити зарурӣ ҷиҳати машғул шудан ба варзиш ва тарғиби тарзи ҳаёти солим бо Фаромуз Тошматиён, мудири бахши кор бо ҷавонон ва варзиши ноҳияи Ашт ҳамсуҳбат шудем.
- Соли равон мардуми сарбаланди тоҷик 35-солагии Истиқлоли давлатиро бо руҳияи баланди ватандорӣ ва ифтихори миллӣ таҷлил хоҳанд кард. Ба андешаи шумо Истиқлол ба ҷавонони тоҷик чӣ дод ва барои ҳифзи ин неъмати беназир ҷавонон чӣ нақш дошта метавонанд?
- Ҳар як фарди худогоҳу хештаншинос хуб медонад ва дарк мекунад, ки Истиқлоли давлатии Ҷумҳурии Тоҷикистон ба осонӣ ба даст наомада, барои соҳибихтиёрӣ ва ташкили давлати навини тоҷикон, сарҷамъиву муттаҳидӣ ва ваҳдату ҳамдилӣ фарзанди фарзонаи миллат, Президенти Ҷумҳурии Тоҷикистон муҳтарам Эмомалӣ Раҳмон тамоми ҳастии худро фидо намуданд. Ин оромиву осудагӣ ва дастовардҳо самараи талошҳои хастанопазири Пешвои миллат мебошад. Хизматҳои таърихии ин фарзонафарзанд дар таърихи давлатдории миллии мо бо ҳарфҳои заррин сабт шудааст.
Барои дарки арзиши Истиқлоли давлатӣ агар мо ба 35 соли гузашта назар афканем ва солҳои аввали соҳибистиқлолиро бо имрӯз муқоиса намоем, бештару бештар шукри замони имрӯзро мекунем, аз гузашта беш талош меварзем, ки дар таҳкими сулҳу субот ва пояҳои давлатдории миллӣ саҳми арзанда гузорем.
Ҳар дастоварде, ки ҷавонони мо ба даст овардаанд, самараи Истиқлоли давлатӣ ва сиёсати дурнигаронаи Сарвари давлат аст. Инро на танҳо ман, балки тамоми ҷавонони ноҳияи Ашт мегӯянду меболанд ва шукронаи имрӯзро намуда, ба хотири фардои боз ҳам гулафшону дурахшон талош меварзанд. Вақте давлату миллат ба ҷавононаш ҳамеша такя мекунад, мо бояд такягоҳи устувор ва боварибахш бошем, бо амали худ, донишу маърифат, ватандӯстиву хештаншиносӣ намунаи пайравӣ бошем. Зеро ҷавонони соҳибмаърифат хазинаи тиллоии миллат дониста мешаванд.
- Ҳамаи дастовардҳои ҷавонон самараи Истиқлоли давлат аст. Ҳоло дар ноҳия барои камолоти ҷавонон чӣ шароит фароҳам оварда шудааст?
- Ба монанди дигар шаҳру ноҳияҳои мамлакат дар ноҳияи Ашт ҳам барои ҷавонон шароити арзандаи кору зиндагӣ, машғул шудан ба варзиш, омӯзиши забонҳои хориҷӣ, касбомӯзӣ ва дигар тадбирҳои муҳим, ки ба камолоти маънавӣ ва ҷисмонии онҳо мусоидат мекунанд, амалӣ гардидааст.
Ҳоло дар ноҳия варзишгоҳҳо, ҳавзҳои шиноварӣ, толорҳои варзишӣ, майдонҳои хурд барои бозии футбол ва дигар иншооти зарурӣ фаъолият мекунанд. Ҷавонони ноҳия бо истифода аз шароити мавҷуда ба машқу тамрин фаро гирифта шуда, варзишгарон барои иштирок дар мусобиқаҳои байналмилалӣ, минтақавӣ ва вилоятиву ноҳиявӣ омодагӣ мебинанд. Ҳар як ҷавони ватандӯст ин ҳама шароиту имконотро хуб истифода намуда, дар ташаккули шахсияти худ, барои шоиста муаррифӣ намудани давлату миллаташ дар арсаи ҷаҳон ҷаҳду талош меварзад.
- Шумо вобаста ба истифодаи имконоти варзишӣ ва талоши варзишгаронатон барои иштирок дар мусобиқаҳои гуногун хотиррасон шудед. Дар нимсолаи аввал варзишгарони ноҳия дар кадом мусобиқаҳо иштирок карданд ва чӣ дастовард ба даст омад?
- Бахши кор бо ҷавонон ва варзиши ноҳия ниҳоди татбиқкунанда дар самти сиёсати давлатии ҷавонон ва варзиш ба ҳисоб рафта, ҳамеша кӯшиш ба харҷ медиҳад, ки рушди варзиш ва оммавияти он таъмин, варзишгарон ҳавасманд ва дар чорабиниҳои варзишӣ фаъолона иштирок намоянд. Дар ин замина баргузории мусобиқаҳои варзишӣ аз рӯйи намудҳои гуногун дар меҳвари фаъолияти мо қарор гирифта, варзишгарон ҳавасманд карда шуданд.
Дар нимсолаи аввали соли равон дар ноҳияи Ашт садҳо мусобиқаҳои варзишӣ ташкил ва баргузор карда шуд. Дар ин давра варзишгарони мо аз мусобиқаҳои байналмилалӣ, ҷумҳуриявӣ, вилоятӣ ва ноҳиявӣ 625 медал ба даст оварданд, ки аз ин шумор 232 тилло, 154 нуқра ва 239 медали биринҷӣ мебошад. Бояд гуфт, ки аз шумораи умумии медалҳо 4 медали биринҷиро варзишгарони мо аз мусобиқаҳои байналмилалӣ вориди хазинаи варзишии ноҳия намуданд.
- Маълум аст, ки бе шароити мавҷуда ҳеҷ як варзишгаре ба дастоварди соҳавӣ ноил намегардад. Барои боз ҳам беҳтар намудани шароити машқу тамрин ва оммавияти варзиш дар доираи корҳои ободониву созандагӣ дар ноҳия чӣ тадбирҳои бунёдкорӣ амалӣ шуданд?
- Нақшаҳои созандагӣ бахшида ба ҷашни фархундаи миллӣ - 35-солагии Истиқлоли давлатии Ҷумҳурии Тоҷикистон фарогири тамоми соҳаҳо, аз ҷумла соҳаи ҷавонон ва варзиш буда, аз соли 2022 то имрӯз дар шаҳраку деҳоти ноҳия иншооти нав, аз ҷумла майдонҳои хурди бозии футбол, толорҳои варзишӣ ва дигар иншооти зарурии соҳа бунёд ва мавриди истифода қарор дода шуданд.
Дар баробари маблағгузо-риҳои давлатӣ соҳибкорону саховатмандон ҳам дар бунёди иншооти нави соҳаи варзиш саҳми арзанда мегузоранд. Мисоли ин гуфтаҳо дар деҳаи Хуҷистон майдони хурди варзишӣ дар назди МТМУ №51 бо саҳми сокинон бунёд гардида, ба истифода дода шуд. Майдони хурди варзишӣ дар масоҳати қариб 3 ҳазор метри мураббаъ сохта шуда, минбаъд хонандагони муассиса ва сокинони деҳаи Хуҷистон ба варзиш машғул мешаванд. Барои иҷрои корҳои сохтмонӣ наздики 500 ҳазор сомонӣ маблағ равона шудааст.
Дигараш, дар деҳаи Марҳамат майдончаи варзишӣ бо саҳми соҳибкори маҳаллӣ Абдуалимов Шаробҷон бо сарфи 300 ҳазор сомонӣ бунёд гардида, имкон медиҳад, ки наврасону ҷавонони маҳал ба машқу тамрин ва бозиҳои футбол машғул шаванд. Ба ҳамин монанд дар дигар деҳоти ноҳия ҳам майдону толорҳои варзишӣ бунёд ва ҳамчун туҳфа дар ихтиёри наврасону ҷавонон гузошта шуданд.
- Дар як қатор шаҳру ноҳияҳои вилояти Суғд Қасри варзишии “Паҳлавонони суғдӣ” сохта ба истифода дода шуд. Дар ноҳияи Ашт корҳои сохтмонӣ дар ин иншооти муҳими варзишӣ дар кадом сатҳ қарор дорад?
- Дар ноҳияи Ашт Қасри варзишии “Паҳлавонони суғдӣ” бун-ёд ва мавриди истифода қарор мегирад. Ҳоло корҳои сохтмонии ин қасри муҳташами варзишӣ дар марҳилаи анҷомёбӣ қарор дорад. Бояд таъкид намоям, ки иншооти варзишӣ самараи сиёсати ҷавонпарваронаи Пешвои миллат буда, бо маблағгузории Мақомоти иҷроияи ҳокимияти давлатии вилояти Суғд сохта, бо шароити замонавӣ ба истифода дода мешавад. Ин туҳфаи арзанда бахшида ба ҷашни 35-солагии Истиқлоли давлатӣ барои варзишгарону ҷавонони ноҳия хоҳад буд.
- Варзиш омили солимӣ ва чустучолокӣ аст, донишу маърифат чароғи рӯшаноии роҳи фардо дониста мешавад. Дар ноҳия ба масъалаи соҳибмаърифатии ҷавонон, баланд бардоштани ҳисси ватандӯстӣ ва ифтихори миллии онҳо чӣ тадбирҳо андешида мешавад?
- Пешвои миллат муҳтарам Эмомалӣ Раҳмон зимни яке аз суханрониҳои худ дар хитоб ба ҷавонон таъкид намуда буданд, ки “дар шароити бис-ёр ҳассосу мураккаби ҷаҳони имрӯза симои маънавии миллати бостонии тоҷикро ҳимоя кунед. Намунаи ахлоқи ҳамидаи инсонӣ, одоби муошират, ҳисси баланди миллӣ, ватандӯстиву ватанпарастӣ ва худшиносиву худогоҳӣ бошед”. Ин таъкидҳои ҳикматбори Пешвои миллатро мо-ҷавонон сармашқи кору фаъолият қарор додаем.
Дар доираи татбиқи Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон”, “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022-2026”, “Барномаи давлатии тарбияи ватандӯстӣ ва таҳкими ҳуввияти миллии ҷавонони Тоҷикистон барои солҳои 2023-2026” пайваста мулоқоту суҳбат ва маҳфилҳои маърифатиро роҳандозӣ намуда, наврасону ҷавононро бештар ба ин чорабиниҳо фаро гирифтем. Ҳадафи ин барномаҳо тарбияи насли босаводу худшинос буда, ҷавононро аз таҳдиду хатарҳои замони муосир эмин нигоҳ медорад.
- Бо вуҷуди тадбирҳои андешидашуда иддае аз ҷавонон гумроҳ мешаванд, фирефтаи гурӯҳҳои бадхоҳ мегарданд ва дар натиҷа ҳам ба номи давлату миллат доғ меоваранд ва ҳам ба ояндаи худ хати бутлон мекашанд. Ба назари шумо сабабу омилҳо чӣ буда метавонад?
- Шахси босаводу донишманд ҳаргиз ба доми ҳизбу ҳаракатҳои иртиҷоӣ намеафтад, фирефтаи андешаҳои носолим намешвад. Мутаассифона, бархе аз ҷавонони ноогоҳ қурбони ғаразҳои нопоки бадхоҳони насли башарият мешаванд ва барои пешгирии ин зуҳуроти хатарзо ҳама якҷоя бояд кӯшиш намуд.
Бо назардошти хавфу хатарҳои равандҳои ҷаҳонишавӣ, рушди бесобиқаи технология ва мавҷудияти ҳизбу гурӯҳҳои террористиву экстремистӣ мо корҳои тарғиботиву ташвиқотиро дар ноҳия ҷоннок намудем. Дар мулоқоту вохӯриҳо пайваста аз оқибатҳои нохуши падидаҳои номатлуб, даст задан ба ҷинояту ҷинояткорӣ ҷавонон огоҳ карда мешаванд. Тадбирҳои андешидаи Ҳукумати мамлакат, сохторҳои дахлдор самар додааст ва таъсири хавфу хатарҳо пешгирӣ гардида истодааст.
- Дар шашмоҳаи минбаъда чӣ нақшаҳо доред ва чӣ тадбирҳо дар соҳаи ҷавонон ва варзиш амалӣ мешаванд?
- Дар нимсолаи дувум нақшаҳои зиёд дорем. Дар самти ташкили мусобиқаҳои варзишӣ, ҳавасманд намудани варзишгарон, тарғиби тарзи ҳаёти солим, боло бурдани ҳисси ватандӯстӣ ва ифтихори миллӣ дар замири насли ҷавон ва амалинамоии барномаҳои давлатии соҳавӣ бештар талош хоҳем кард. Вазифаи мо софдилонаву содиқона хизмат намудан ва саҳмгузорӣ дар амалишавии ҳадафҳои созандаи давлату Ҳукумат аст.
Субҳиддин ҚОДИРОВ, “ҶТ”
Бо мақсади огоҳӣ аз дастоварди ҷавонони ноҳияи Ашт, рафти татбиқи барномаҳои муҳими давлатӣ дар соҳаи кор бо ҷавонон ва варзиш, фароҳам овардани шароити зарурӣ ҷиҳати машғул шудан ба варзиш ва тарғиби тарзи ҳаёти солим бо Фаромуз Тошматиён, мудири бахши кор бо ҷавонон ва варзиши ноҳияи Ашт ҳамсуҳбат шудем.
- Соли равон мардуми сарбаланди тоҷик 35-солагии Истиқлоли давлатиро бо руҳияи баланди ватандорӣ ва ифтихори миллӣ таҷлил хоҳанд кард. Ба андешаи шумо Истиқлол ба ҷавонони тоҷик чӣ дод ва барои ҳифзи ин неъмати беназир ҷавонон чӣ нақш дошта метавонанд?
- Ҳар як фарди худогоҳу хештаншинос хуб медонад ва дарк мекунад, ки Истиқлоли давлатии Ҷумҳурии Тоҷикистон ба осонӣ ба даст наомада, барои соҳибихтиёрӣ ва ташкили давлати навини тоҷикон, сарҷамъиву муттаҳидӣ ва ваҳдату ҳамдилӣ фарзанди фарзонаи миллат, Президенти Ҷумҳурии Тоҷикистон муҳтарам Эмомалӣ Раҳмон тамоми ҳастии худро фидо намуданд. Ин оромиву осудагӣ ва дастовардҳо самараи талошҳои хастанопазири Пешвои миллат мебошад. Хизматҳои таърихии ин фарзонафарзанд дар таърихи давлатдории миллии мо бо ҳарфҳои заррин сабт шудааст.
Барои дарки арзиши Истиқлоли давлатӣ агар мо ба 35 соли гузашта назар афканем ва солҳои аввали соҳибистиқлолиро бо имрӯз муқоиса намоем, бештару бештар шукри замони имрӯзро мекунем, аз гузашта беш талош меварзем, ки дар таҳкими сулҳу субот ва пояҳои давлатдории миллӣ саҳми арзанда гузорем.
Ҳар дастоварде, ки ҷавонони мо ба даст овардаанд, самараи Истиқлоли давлатӣ ва сиёсати дурнигаронаи Сарвари давлат аст. Инро на танҳо ман, балки тамоми ҷавонони ноҳияи Ашт мегӯянду меболанд ва шукронаи имрӯзро намуда, ба хотири фардои боз ҳам гулафшону дурахшон талош меварзанд. Вақте давлату миллат ба ҷавононаш ҳамеша такя мекунад, мо бояд такягоҳи устувор ва боварибахш бошем, бо амали худ, донишу маърифат, ватандӯстиву хештаншиносӣ намунаи пайравӣ бошем. Зеро ҷавонони соҳибмаърифат хазинаи тиллоии миллат дониста мешаванд.
- Ҳамаи дастовардҳои ҷавонон самараи Истиқлоли давлат аст. Ҳоло дар ноҳия барои камолоти ҷавонон чӣ шароит фароҳам оварда шудааст?
- Ба монанди дигар шаҳру ноҳияҳои мамлакат дар ноҳияи Ашт ҳам барои ҷавонон шароити арзандаи кору зиндагӣ, машғул шудан ба варзиш, омӯзиши забонҳои хориҷӣ, касбомӯзӣ ва дигар тадбирҳои муҳим, ки ба камолоти маънавӣ ва ҷисмонии онҳо мусоидат мекунанд, амалӣ гардидааст.
Ҳоло дар ноҳия варзишгоҳҳо, ҳавзҳои шиноварӣ, толорҳои варзишӣ, майдонҳои хурд барои бозии футбол ва дигар иншооти зарурӣ фаъолият мекунанд. Ҷавонони ноҳия бо истифода аз шароити мавҷуда ба машқу тамрин фаро гирифта шуда, варзишгарон барои иштирок дар мусобиқаҳои байналмилалӣ, минтақавӣ ва вилоятиву ноҳиявӣ омодагӣ мебинанд. Ҳар як ҷавони ватандӯст ин ҳама шароиту имконотро хуб истифода намуда, дар ташаккули шахсияти худ, барои шоиста муаррифӣ намудани давлату миллаташ дар арсаи ҷаҳон ҷаҳду талош меварзад.
- Шумо вобаста ба истифодаи имконоти варзишӣ ва талоши варзишгаронатон барои иштирок дар мусобиқаҳои гуногун хотиррасон шудед. Дар нимсолаи аввал варзишгарони ноҳия дар кадом мусобиқаҳо иштирок карданд ва чӣ дастовард ба даст омад?
- Бахши кор бо ҷавонон ва варзиши ноҳия ниҳоди татбиқкунанда дар самти сиёсати давлатии ҷавонон ва варзиш ба ҳисоб рафта, ҳамеша кӯшиш ба харҷ медиҳад, ки рушди варзиш ва оммавияти он таъмин, варзишгарон ҳавасманд ва дар чорабиниҳои варзишӣ фаъолона иштирок намоянд. Дар ин замина баргузории мусобиқаҳои варзишӣ аз рӯйи намудҳои гуногун дар меҳвари фаъолияти мо қарор гирифта, варзишгарон ҳавасманд карда шуданд.
Дар нимсолаи аввали соли равон дар ноҳияи Ашт садҳо мусобиқаҳои варзишӣ ташкил ва баргузор карда шуд. Дар ин давра варзишгарони мо аз мусобиқаҳои байналмилалӣ, ҷумҳуриявӣ, вилоятӣ ва ноҳиявӣ 625 медал ба даст оварданд, ки аз ин шумор 232 тилло, 154 нуқра ва 239 медали биринҷӣ мебошад. Бояд гуфт, ки аз шумораи умумии медалҳо 4 медали биринҷиро варзишгарони мо аз мусобиқаҳои байналмилалӣ вориди хазинаи варзишии ноҳия намуданд.
- Маълум аст, ки бе шароити мавҷуда ҳеҷ як варзишгаре ба дастоварди соҳавӣ ноил намегардад. Барои боз ҳам беҳтар намудани шароити машқу тамрин ва оммавияти варзиш дар доираи корҳои ободониву созандагӣ дар ноҳия чӣ тадбирҳои бунёдкорӣ амалӣ шуданд?
- Нақшаҳои созандагӣ бахшида ба ҷашни фархундаи миллӣ - 35-солагии Истиқлоли давлатии Ҷумҳурии Тоҷикистон фарогири тамоми соҳаҳо, аз ҷумла соҳаи ҷавонон ва варзиш буда, аз соли 2022 то имрӯз дар шаҳраку деҳоти ноҳия иншооти нав, аз ҷумла майдонҳои хурди бозии футбол, толорҳои варзишӣ ва дигар иншооти зарурии соҳа бунёд ва мавриди истифода қарор дода шуданд.
Дар баробари маблағгузо-риҳои давлатӣ соҳибкорону саховатмандон ҳам дар бунёди иншооти нави соҳаи варзиш саҳми арзанда мегузоранд. Мисоли ин гуфтаҳо дар деҳаи Хуҷистон майдони хурди варзишӣ дар назди МТМУ №51 бо саҳми сокинон бунёд гардида, ба истифода дода шуд. Майдони хурди варзишӣ дар масоҳати қариб 3 ҳазор метри мураббаъ сохта шуда, минбаъд хонандагони муассиса ва сокинони деҳаи Хуҷистон ба варзиш машғул мешаванд. Барои иҷрои корҳои сохтмонӣ наздики 500 ҳазор сомонӣ маблағ равона шудааст.
Дигараш, дар деҳаи Марҳамат майдончаи варзишӣ бо саҳми соҳибкори маҳаллӣ Абдуалимов Шаробҷон бо сарфи 300 ҳазор сомонӣ бунёд гардида, имкон медиҳад, ки наврасону ҷавонони маҳал ба машқу тамрин ва бозиҳои футбол машғул шаванд. Ба ҳамин монанд дар дигар деҳоти ноҳия ҳам майдону толорҳои варзишӣ бунёд ва ҳамчун туҳфа дар ихтиёри наврасону ҷавонон гузошта шуданд.
- Дар як қатор шаҳру ноҳияҳои вилояти Суғд Қасри варзишии “Паҳлавонони суғдӣ” сохта ба истифода дода шуд. Дар ноҳияи Ашт корҳои сохтмонӣ дар ин иншооти муҳими варзишӣ дар кадом сатҳ қарор дорад?
- Дар ноҳияи Ашт Қасри варзишии “Паҳлавонони суғдӣ” бун-ёд ва мавриди истифода қарор мегирад. Ҳоло корҳои сохтмонии ин қасри муҳташами варзишӣ дар марҳилаи анҷомёбӣ қарор дорад. Бояд таъкид намоям, ки иншооти варзишӣ самараи сиёсати ҷавонпарваронаи Пешвои миллат буда, бо маблағгузории Мақомоти иҷроияи ҳокимияти давлатии вилояти Суғд сохта, бо шароити замонавӣ ба истифода дода мешавад. Ин туҳфаи арзанда бахшида ба ҷашни 35-солагии Истиқлоли давлатӣ барои варзишгарону ҷавонони ноҳия хоҳад буд.
- Варзиш омили солимӣ ва чустучолокӣ аст, донишу маърифат чароғи рӯшаноии роҳи фардо дониста мешавад. Дар ноҳия ба масъалаи соҳибмаърифатии ҷавонон, баланд бардоштани ҳисси ватандӯстӣ ва ифтихори миллии онҳо чӣ тадбирҳо андешида мешавад?
- Пешвои миллат муҳтарам Эмомалӣ Раҳмон зимни яке аз суханрониҳои худ дар хитоб ба ҷавонон таъкид намуда буданд, ки “дар шароити бис-ёр ҳассосу мураккаби ҷаҳони имрӯза симои маънавии миллати бостонии тоҷикро ҳимоя кунед. Намунаи ахлоқи ҳамидаи инсонӣ, одоби муошират, ҳисси баланди миллӣ, ватандӯстиву ватанпарастӣ ва худшиносиву худогоҳӣ бошед”. Ин таъкидҳои ҳикматбори Пешвои миллатро мо-ҷавонон сармашқи кору фаъолият қарор додаем.
Дар доираи татбиқи Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон”, “Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022-2026”, “Барномаи давлатии тарбияи ватандӯстӣ ва таҳкими ҳуввияти миллии ҷавонони Тоҷикистон барои солҳои 2023-2026” пайваста мулоқоту суҳбат ва маҳфилҳои маърифатиро роҳандозӣ намуда, наврасону ҷавононро бештар ба ин чорабиниҳо фаро гирифтем. Ҳадафи ин барномаҳо тарбияи насли босаводу худшинос буда, ҷавононро аз таҳдиду хатарҳои замони муосир эмин нигоҳ медорад.
- Бо вуҷуди тадбирҳои андешидашуда иддае аз ҷавонон гумроҳ мешаванд, фирефтаи гурӯҳҳои бадхоҳ мегарданд ва дар натиҷа ҳам ба номи давлату миллат доғ меоваранд ва ҳам ба ояндаи худ хати бутлон мекашанд. Ба назари шумо сабабу омилҳо чӣ буда метавонад?
- Шахси босаводу донишманд ҳаргиз ба доми ҳизбу ҳаракатҳои иртиҷоӣ намеафтад, фирефтаи андешаҳои носолим намешвад. Мутаассифона, бархе аз ҷавонони ноогоҳ қурбони ғаразҳои нопоки бадхоҳони насли башарият мешаванд ва барои пешгирии ин зуҳуроти хатарзо ҳама якҷоя бояд кӯшиш намуд.
Бо назардошти хавфу хатарҳои равандҳои ҷаҳонишавӣ, рушди бесобиқаи технология ва мавҷудияти ҳизбу гурӯҳҳои террористиву экстремистӣ мо корҳои тарғиботиву ташвиқотиро дар ноҳия ҷоннок намудем. Дар мулоқоту вохӯриҳо пайваста аз оқибатҳои нохуши падидаҳои номатлуб, даст задан ба ҷинояту ҷинояткорӣ ҷавонон огоҳ карда мешаванд. Тадбирҳои андешидаи Ҳукумати мамлакат, сохторҳои дахлдор самар додааст ва таъсири хавфу хатарҳо пешгирӣ гардида истодааст.
- Дар шашмоҳаи минбаъда чӣ нақшаҳо доред ва чӣ тадбирҳо дар соҳаи ҷавонон ва варзиш амалӣ мешаванд?
- Дар нимсолаи дувум нақшаҳои зиёд дорем. Дар самти ташкили мусобиқаҳои варзишӣ, ҳавасманд намудани варзишгарон, тарғиби тарзи ҳаёти солим, боло бурдани ҳисси ватандӯстӣ ва ифтихори миллӣ дар замири насли ҷавон ва амалинамоии барномаҳои давлатии соҳавӣ бештар талош хоҳем кард. Вазифаи мо софдилонаву содиқона хизмат намудан ва саҳмгузорӣ дар амалишавии ҳадафҳои созандаи давлату Ҳукумат аст.
Субҳиддин ҚОДИРОВ, “ҶТ”
Хабарҳои дигар
Рӯзнома
Эзоҳи худро нависед