Ба ҳайати ниҳоии тими миллии футзали Тоҷикистон барои Ҷоми ҷаҳон-2024, ки аз 14 сентябр то 6 октябр дар Ҷумҳурии Узбекистон баргузор мегардад, 14 нафар - 2 дарвозабон ва 12 бозингари майдон иштирок мекунанд.

Тибқи иттилои Федератсияи футболи Тоҷикистон, ҳайати тими миллиро дарвозабонон - Нуриддин Ҷабборов (бе бошгоҳ), Фирӯз Бекмуродов (“Истиқлол”), бозингарони майдон - Абдуқаюм Умаров (“Истиқлол”), Насратшо Исмоилов (“Истиқлол”), Самандар Ризомов (“Соро компания”), Идрис Ёров (“Соро компания”), Баҳодур Хоҷаев (“Истаравшан”), Муҳаммадҷон Шарипов (“Истиқлол”), Файзалӣ Сардоров (“Соро компания”), Некрӯз Алимаҳмадов (“Истиқлол”), Комрон Алиев (“Истиқлол”), Умед Қӯзиев (“Амонатбонк”), Бахтиёр Солиев (“Соро компания”), Дилшод Саломов (“Соро компания”) ташкил медиҳанд.

Бояд ёдовар шуд, ки дар мусобиқаи қаҳрамонии ҷаҳон-2024 оид ба футзал мунтахаби Тоҷикистон дар гурӯҳи “Е” баромад мекунад. Ҳарифони яккачини мо мунтахабҳои Марокаш (16 сентябр), Португалия (19 сентябр) ва Панама (22 сентябр) мебошанд. Ду бозии аввали мунтахаби Тоҷикистон дар Тошканд ва вохӯрии сеюм дар Бухоро доир мешаванд.

Ҷасури ҚИЁМИДДИН, “ҶТ”