ҶОМЕА
Якшанбе 08 Сентябр 2024 04:44
![7062](/upload/iblock/cdf/%D0%91%D0%B5%D0%B7-%D0%B8%D0%BC%D0%B5%D0%BD%D0%B8-1.jpg)
ё чӣ тавр беморӣ бемеҳриро ошкор мекунад?
Чанде пеш бо даъвати раиси шаҳри Хоруғ дар як мулоқоте иштирок намудам, ки дар он масъулини мақомоти шаҳрдорӣ, раисони маҳаллаҳо ва ҷавонону фаъолони гурӯҳи волонтёрони маҳаллии "Даст ба даст" иштирок намуданд. Масъалаи асосӣ тамдиди маҳдудиятҳо вобаста ба пешгирии хуруҷи бемории COVID - 19 дар маркази вилоят буд. Мусаллам аст, ки агар маҳдудиятҳо аз қабили гузаронидани чорабиниҳои оммавӣ, ҳаракати озоди нақлиёти гуногун, рафтуомади мардум якбора дар маркази ВМКБ ва берун аз он бардошта шаванд, алабатта оқибатҳои нохушро ба бор меорад.
Дар ҷараёни мулоқот барои банда аз ҳама бештар суханони яке аз ҷавонони шаҳр, асар кард. Ӯ аслан аз адами муҳаббат дар баъзе оилаҳо бо таассуф ҳарф зада иброз намуд, ки баъди фаъ-олияти шабонарӯзӣ ба сифати волонтёр худаш ҳам мубталои COVID - 19 гашта, дар беморхонаи вилоятӣ бистарӣ шудааст.
“Дар ҳудуди карантинии беморхона бо зани солхӯрдаи ниёзманде вохӯрдам. Баъди касалии чандрӯза ҳолу аҳволаш бадтар мегардид. Зеро ӯро аллакай дер оварданду шояд барои табобаташ ҳам дер шуда буд. Давоми чанд рӯз ин модари пир танҳо орзуи шунидани овози писараш тариқи телефони дастиро дошт. Аммо рафтори ғайриинсониро бубинед, ки писараш дар ҷавоб ба посухи телефонии мо чи мегуфт, "Ака, ба "аёдати фосилавиии кампир чанд рӯз пеш ҳамсарам рафта буд, ҳаминаш кофист..." Сипас, ин модари мушфиқ ҳатто шунидани охирин ҳарфҳои телефониро таҳаммул накарда, ҷон ба ҷонофарин супурд”- нақл кард, ҷавон.
Бале, ҳақиқат аст, ки баъзеҳо фосила нигоҳ доштан аз беморро чунон "гиромӣ" медоранд, ки ҳатто дар чунин лаҳзаҳои ҳассос аз "телефонӣ" суҳбат кардан ҳам меҳаросанд. Охир, агар ҳарф сари риояи маҳдудияту чораҳои гигиенаи шахсӣ ва ғайра равад, бо ин касе баҳс ҳам намекунад. Лекин аз рӯзи аввали хуруҷи коронавирус то ҳозир дар ягон давлати дунё мушоҳида нашудаст, ки беморӣ тариқаи алоқаи мобилӣ сироят кунад ва аз ҳоли наздикону пайвандон бо ин усул бохабар шудан ҷиноят бошад.
Ин албатта баҳонаҷӯии танбалону худбинон ва худпарастоне аст, ки моддиёту маблағ дидаи оҳоро нобино кардааст. Ин тоифа одамон аслан густоханд ва ҳатто қодиранд, ки аз кӯмакҳои моддии ба ниёзмандон пешбинишуда, чи аз тарафи давлату Ҳукумати мамлакат ва чи шахсони саховатпеша даромади муфте ба даст оранду фикри "ҳамёни бебун" - и хеш намоянд.
Воқеан, пеш аз ин ҳам рафтори бисёре аз бошандагони вилоят аз назари банда холӣ намонд. Бахусус, вақте ки зодагони вилоят аз маркази ҷумҳурӣ, шаҳри Душанбе ё дигар кишварҳои ба Хоруғ меомаданд, баъзе сокинони таҳҷоӣ такрор ба такрор мегуфтанд, ки "рӯзи охират фаро расид", "охирзамон омад" ё ки "ҳайҳот, Бадахшон вирусзада шуду ҳамаи аҳолии вилоят мемирад"...
Хушбахтона, ҳоло аз рӯи маълумоти мутахассисони соҳаи тандурустии вилоят қуллаи авҷи ин беморӣ дар ВМКБ паси сар шуда, "охирзамон" ҳам наомад.
Беҳбуд ёфтани вазъ дар вилоятро чанде қабл худи Ёдгор Файзов, раиси ВМКБ дар суҳбат бо мо низ тасдиқ намуд ва дар ин кор на фақат ба кормандони тиб, инчунин дар симои фаъолони гурӯҳи "Даст ба даст" ба тамоми ҷавонону волонтёрони вилоят, ки дар рӯзҳои сахту душвор ташаббуси хайрхоҳона, шуҷоату ҷавонмардӣ ва лутфу сахои беинтиҳо нишон дода, ба хотири пешгирӣ аз бемории COVID - 19 ва эмин нигоҳ доштани сокинон аз он шабонарӯзӣ дар хизмати мардум буданд, изҳори сипосу миннатдории бепоён баён намуд.
Чанде пеш бо даъвати раиси шаҳри Хоруғ дар як мулоқоте иштирок намудам, ки дар он масъулини мақомоти шаҳрдорӣ, раисони маҳаллаҳо ва ҷавонону фаъолони гурӯҳи волонтёрони маҳаллии "Даст ба даст" иштирок намуданд. Масъалаи асосӣ тамдиди маҳдудиятҳо вобаста ба пешгирии хуруҷи бемории COVID - 19 дар маркази вилоят буд. Мусаллам аст, ки агар маҳдудиятҳо аз қабили гузаронидани чорабиниҳои оммавӣ, ҳаракати озоди нақлиёти гуногун, рафтуомади мардум якбора дар маркази ВМКБ ва берун аз он бардошта шаванд, алабатта оқибатҳои нохушро ба бор меорад.
Дар ҷараёни мулоқот барои банда аз ҳама бештар суханони яке аз ҷавонони шаҳр, асар кард. Ӯ аслан аз адами муҳаббат дар баъзе оилаҳо бо таассуф ҳарф зада иброз намуд, ки баъди фаъ-олияти шабонарӯзӣ ба сифати волонтёр худаш ҳам мубталои COVID - 19 гашта, дар беморхонаи вилоятӣ бистарӣ шудааст.
“Дар ҳудуди карантинии беморхона бо зани солхӯрдаи ниёзманде вохӯрдам. Баъди касалии чандрӯза ҳолу аҳволаш бадтар мегардид. Зеро ӯро аллакай дер оварданду шояд барои табобаташ ҳам дер шуда буд. Давоми чанд рӯз ин модари пир танҳо орзуи шунидани овози писараш тариқи телефони дастиро дошт. Аммо рафтори ғайриинсониро бубинед, ки писараш дар ҷавоб ба посухи телефонии мо чи мегуфт, "Ака, ба "аёдати фосилавиии кампир чанд рӯз пеш ҳамсарам рафта буд, ҳаминаш кофист..." Сипас, ин модари мушфиқ ҳатто шунидани охирин ҳарфҳои телефониро таҳаммул накарда, ҷон ба ҷонофарин супурд”- нақл кард, ҷавон.
Бале, ҳақиқат аст, ки баъзеҳо фосила нигоҳ доштан аз беморро чунон "гиромӣ" медоранд, ки ҳатто дар чунин лаҳзаҳои ҳассос аз "телефонӣ" суҳбат кардан ҳам меҳаросанд. Охир, агар ҳарф сари риояи маҳдудияту чораҳои гигиенаи шахсӣ ва ғайра равад, бо ин касе баҳс ҳам намекунад. Лекин аз рӯзи аввали хуруҷи коронавирус то ҳозир дар ягон давлати дунё мушоҳида нашудаст, ки беморӣ тариқаи алоқаи мобилӣ сироят кунад ва аз ҳоли наздикону пайвандон бо ин усул бохабар шудан ҷиноят бошад.
Ин албатта баҳонаҷӯии танбалону худбинон ва худпарастоне аст, ки моддиёту маблағ дидаи оҳоро нобино кардааст. Ин тоифа одамон аслан густоханд ва ҳатто қодиранд, ки аз кӯмакҳои моддии ба ниёзмандон пешбинишуда, чи аз тарафи давлату Ҳукумати мамлакат ва чи шахсони саховатпеша даромади муфте ба даст оранду фикри "ҳамёни бебун" - и хеш намоянд.
Воқеан, пеш аз ин ҳам рафтори бисёре аз бошандагони вилоят аз назари банда холӣ намонд. Бахусус, вақте ки зодагони вилоят аз маркази ҷумҳурӣ, шаҳри Душанбе ё дигар кишварҳои ба Хоруғ меомаданд, баъзе сокинони таҳҷоӣ такрор ба такрор мегуфтанд, ки "рӯзи охират фаро расид", "охирзамон омад" ё ки "ҳайҳот, Бадахшон вирусзада шуду ҳамаи аҳолии вилоят мемирад"...
Хушбахтона, ҳоло аз рӯи маълумоти мутахассисони соҳаи тандурустии вилоят қуллаи авҷи ин беморӣ дар ВМКБ паси сар шуда, "охирзамон" ҳам наомад.
Беҳбуд ёфтани вазъ дар вилоятро чанде қабл худи Ёдгор Файзов, раиси ВМКБ дар суҳбат бо мо низ тасдиқ намуд ва дар ин кор на фақат ба кормандони тиб, инчунин дар симои фаъолони гурӯҳи "Даст ба даст" ба тамоми ҷавонону волонтёрони вилоят, ки дар рӯзҳои сахту душвор ташаббуси хайрхоҳона, шуҷоату ҷавонмардӣ ва лутфу сахои беинтиҳо нишон дода, ба хотири пешгирӣ аз бемории COVID - 19 ва эмин нигоҳ доштани сокинон аз он шабонарӯзӣ дар хизмати мардум буданд, изҳори сипосу миннатдории бепоён баён намуд.
Эзоҳи худро нависед