11 апрел Шабнам Раҳимзода, муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамроҳи аъзоёни маҳфили “Адибони ҷавон”-и Кумита ба аёдати шоир-драматурги маъруфи руснависи тоҷик Темур Зулфиқоров рафтанд.

Аёдати мазкур дар доираи маҳфили “Адибони ҷавон”-и Кумитаи кор бо ҷавонон ва варзиш таҳти унвони “Бузургон машъали тобандаи шеър” сурат гирифта, Темур Зулфиқоров дар хонаи худ аёдаткунандагонро бо табъи болида пешвоз гирифт ва бо онҳо аз ҳар боби рӯзгору фаъолияти эҷодияш суҳбати озоду самимӣ анҷом дод.

Дар охири аёдат ба шоир ва драматурги шинохтаи тоҷики руснавис туҳфаи хотиравии Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим карда шуд.