Бахшида ба Рӯзи байналмилалии мубориза бар зидди маводи мухаддир, 22 июни соли равон дар шаҳри Ваҳдат чорабиниҳои мухталиф баргузор шуд.

Бахши ҷавонон, варзиш ва сайёҳии шаҳр дар ҳамкорӣ бо Агентии назорати маводи нашъаовари назди Президенти Ҷумҳурии Тоҷикистон миёни насли ҷавон озмуни расми беҳтарин ва миёни кӯдакону наврасон мусобиқаи рафиқона оид ба гуштии ҷудо баргузор намуданд.

Чорабиниҳо дар фазои идона таҷлил гардида, иштирокчиёни фаъол бо ифтихорномаҳо ва туҳфаҳои хотиравии Агентии назорати маводи нашъаовари назди Президенти Ҷумҳурии Тоҷикистон ва Бахши ҷавонон, варзиш ва сайёҳии шаҳри Ваҳдат сарфароз гардонида шуданд.

Ба иштирокчиёни чорабиниҳо муҳтавои нашъа ва зарари он ба ҷомеа фаҳмонда шуд.