ҶОМЕА
Панҷшанбе 21 Ноябр 2019 12:15
1690
Дар маркази шаҳри Исфара муҷассамаи зардолу бунёд гардид. Манбаи асосии даромади сокинон, омили муҳими фаровонии дастархони мардум ва муаррифгари мардуми Исфара дар миқёси ҷумҳуриву минтақа ва ҳатто ҷаҳон зардолу маҳсуб мешавад.

Майдони умумии боғ дар Исфара ба 12 ҳазору 258 гектар баробар аст, ки 10 ҳазору 600 гектарашро боғи зардолу ташкил медиҳад. Ин ҷо зиёда аз 21 навъи зардолу парвариш карда мешавад.

Зардолуҳои шаҳдрези Исфара аз рӯи қанднокӣ дар минтақаи Осиёи Марказӣ босифаттарин ба ҳисоб меравад. Сокинони шаҳру деҳоти Исфара рӯзгори худро бе парваришу ғунучин ва бастубанди меваи зардолу тасаввур карда наметавонанд ва сарвату неъмати хонаводагиашон маҳз меваи зардолуст.

Чанд соли охир дар шаҳру деҳоти Исфара 11 корхонаи коркард ва бастубанди зардолу ба фаъолият пардохтаанд, ки маҳсулоти онҳо акнун Исфара ва сокинонашро дар бозори ҷаҳонӣ муаррифӣ хоҳад кард.

Дар 9 моҳи соли равон аз Исфара ба хориҷи кишвар 13 ҳазору 267 тонна маҳсулоти кишоварзӣ содирот шудааст, ки аз он беш аз 12 ҳазор тоннаашро меваи хушк ташкил медиҳад. Содирот асосан ба Русия (70%), Қазоқистон ва дигар кишварҳои ИДМ (20%), Аврупо ва Амрико(10%) сурат гирифтааст.

Баландии муҷассамаи зардолу дар Исфара 5 метру 70 сантиметр буда, паҳноияш 4 метр аст. Муаллиф ва бунёдгари ин нигораи нодир ҳунарманди маҳаллӣ Саидxон Муҳаммадиев, ки бо чунин кор қаблан дар Русияву Аморати Муттаҳидаи Араб машғул шудааст, мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.