ҶОМЕА
Панҷшанбе 30 Июн 2022 08:56
8335
Мояи ифтихору шарафмандии худ мешуморам, ки дастпарвари мактаби Иттифоқи ҷавонони Тоҷикистон буда, таҷрибаи кориро аз ҳамин ниҳод омӯхтам.

Қобили қайд аст, ки баҳри татбиқи сиёсати Пешвои муаззами миллат дар кишвар Иттифоқи ҷавонони Тоҷикистон аз солҳои аввали соҳибистиқлолии кишвар ташкил ёфта, ҳамчун як ташкилоти ҷамъиятӣ дар иттиҳодию иттифоқии ҷавонон, амалишавии икдому ташаббусҳои Президенти мамлакат саҳми шоиста дошта, дар корҳои ҷамъиятию сиёсӣ, фарҳангию варзишии вилоят аъзои Филилали ИҶТ ширкати фаъолона менамоянд.

Филиали Иттифоқи ҷавонони Тоҷикистон дар вилояти Хатлон ҳамеша баҳри пойдории сулҳу субот, пешгирии амалҳои номатлуб, чун ифротгароию динситезӣ, ҷинояту ҷинояткорӣ миёни ноболиғону ҷавонон, ҷилавгирӣ аз бемориҳои сироятӣ, тарғиби ташаккули тарзи ҳаёти солим, оммавигардонии варзиш тамоми неру, қувва ва дониши худро равона намуда истодаанд.
Дар воқеъ, боиси фараҳмандист, ки бори аввал номзадии муҳтарам Эмомалӣ Раҳмон ба ҳайси Президенти Ҷумҳурии Тоҷикистон аз ҷониби Иттифоқи ҷавонони Тоҷикистон пешбарӣ гардидааст, ки дар ин иқдом саҳми аъзои филиали Иттифоқи ҷавонони вилояти Хатлон муҳиму назаррас мебошад.

Ин нишонаи он аст, ки аъзои Иттифоқи ҷавонон ба сиёсати муваффақонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон содиқ буданд ва ҳамеша бо иродаи қавӣ устувор мемонанд.

Дар давоми 30 соли Истиқлолияти давлатии Ҷумҳурии Тоҷикистон ҳамаи ниҳодҳои зертобеи Иттифоқи ҷавонон дар ҷумҳурӣ зери сиёсати ҷавонпарваронаи Пешвои муаззами миллат дар чаҳорчӯбаи нақша-чорабиниҳои тарҳрезигардида, ба ҳадафҳои худ ноил гардиданд.

Итминони комил дорам, ки филиали Иттифоқи ҷавонон дар вилояти Хатлон минбаъд низ бо рисолати бузурги созандагию бунёдкорӣ амал карда, дар баланд бардоштани худшиносию худогоҳӣ, тарбияи ҳарбӣ - ватанпарастӣ, ҳисси ифтихори миллӣ ва ҳувияти ватандории ҷавонон саҳми босазои худро мегузоранд.

Фирӯза ШАРИФӢ, муовини
раиси вилояти Хатлон

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Июн 2022 c.