Сардиҳое, ки зимистони соли равон дар кишвар ба вуқӯъ пайваст, тақрибан ба 20% маҳсулоти кишоварзӣ зарари худро расонид.

Дар ин бора имрӯз 6-уми феврал Хуршед Раҳмонализода, муовини раиси Иттифоқи “Тоҷикматлубот” зимни нишасти хабарӣ иттилоъ дод.

- Дар ҳақиқат маҳсулоте, ки захира карда будем, сардиҳои имсола таъсири манфии худро расонд. Тақрибан аз 10 то 20 фоизи маҳсулот зарар дидаанд, - гуфт Хуршед Раҳмонализода.

Ҳамзамон, ӯ зикр кард, ки сардиҳои имсола боис гардид, ки нархи пиёз дар кишвар гарон шавад.

Инчунин гуфта шуд, ки нархи бархе аз маҳсулот нисбати соли гузашта поин шуданд. Аз ҷумла, нархи равғани растанӣ 18%, орд 9-10%, биринҷ 4 %, нархи сабзӣ ва картошка чандаке поин рафтааст.