Дар давоми шаш моҳи соли равон дар роҳҳои автомобилгард 161 садама ба қайд гирифта шудааст, ки сатҳи садаманокӣ нисбат ба ҳамин давраи соли гузашта 31 фоиз зиёд гардидааст.

Дар ин бора 28 июл Азим Иброҳим, вазири нақлиёти кишвар зимни нишасти хабарӣ иттилоъ дод.

Гуфта шуд, ки дар ин садамаҳои нақлиётӣ 171 нафар маҷрӯҳ шуда, 101 нафар ба ҳалокат расидааст.

Ба таъкиди масъулин сабаби асосии рух додани чунин садамаҳо суръати баланди ҳаракат ва аз ҷониби ронандагон риоя нагардидани қоидаҳои ҳаракат дар роҳ дониста мешавад.

С. ҚИЁМИДДИН,
Р. ОДИНАЕВ, “ҶТ”