ҶОМЕА
Шанбе 20 Апрел 2024 02:31
6272
Ҷонмамад Шермамадов, ректори Донишгоҳи давлатии Хоруғ ба номи Моёншо Назаршоев зимни нишасти матбуотӣ сабаби рафтани омўзгорон аз донишгоҳро дар паст будани музди меҳнат ва надоштани манзили зист арзёбӣ карда, афзуд, ки солҳои охир 14 нафар доктору номзади илм дар шаҳри Душанбе ва дигар минтақаҳои кишвар ҷўёи кор шуданд. 30 нафар муаллимони донишгоҳ айни замон дар хобгоҳи донишҷўён зиндагӣ мекунанд ва тамоюли тарки донишгоҳ кардани омўзгорон дар солҳои минбаъда низ аз эҳтимол дур нест.
  
Дар мавриди нарасидани кадрҳои омўзгорӣ аз фанҳои дақиқ дар муассисаҳои таълимии вилоят зикр гардид, ки ин нишондод чандон ба воқеият мувофиқ намеояд, зеро ҳар сол наздики 65 фисад қабули довталабон ба равияи омўзгорӣ рост омада, ҳамасола бо роҳхати Вазорати маориф ва илми Ҷумҳурии Тоҷикистон хатмкунандагони риштаи омўзгорӣ ба минтақаҳои дигари кишвар сафарбар мегарданд. 
Аз ҳисоби кам кардани равияҳои омўзгорӣ, таъсиси гурўҳҳои шартномавӣ, ки талаботи бозори меҳнат ба онҳо зиёд аст, ба мақсад мувофиқ дониста шуд. Қайд гардид, ки дар донишгоҳ шуъбаҳои забонҳои олмонӣ, форсӣ ва арабӣ фаъолият мекунанд, ки мутаассифона,  ягон дархост барои бо кор таъмин кардани ихтисосмандони забонҳои мазкур пешниҳод намегардад. Зеро имрўз дар ягон муассисаи таҳсилоти миёнаи умумӣ ин забонҳоро таълим намедиҳанд. 

Бино ба гуфтаи мавсуф, қабули довталабон ба донишгоҳ тариқи Маркази миллии тестии назди Президенти Ҷумҳурии Тоҷикистон сурат гирифта, имсол донишгоҳро 3 ҳазору 738 нафар интихоб намуданд.  Дар соли таҳсили 2018-2019 муассисаи олиро 1143 нафар хатм карданд ва аз рўи зинаи таҳсилот дар бахшҳои магистратура 124 нафар, аспирантура 23 ва доктор PhD 9 нафар ба таҳсил фаро гирифта шуданд. Дар шаш моҳи соли 2019 1 нафар омўзгор рисолаи номазадиро дифоъ намуда, 4 нафари дигар рисолаҳои худро ба Шўроҳои диссертатсионии кишвар пешниҳод карданд. 

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.