То ба имрӯз бо шиносномаи шаҳрванди Ҷумҳурии Тоҷикистон намунаи соли 2014, 6 миллиону 213 ҳазору 28 симкорт ба қайд гирифта шудааст, ки аз ин шумора 5 миллиону 558 ҳазору 993 тои он муштариёни фаъол мебошанд.

Дар ин бора 30 январ Илҳомҷон Атоев, муовини сардори Хадамоти алоқаи назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Ҳамчунин гуфта шуд, ки то ба ҳол шумораи умумии муштариёне, ки симкортҳои худро бо шиносномаи намунаи соли 2014 ба қайд нагирифтаанд ва тибқи тартиби пешбинишуда азнавбақайдгириро нагузаштаанд, 2 миллиону 015 ҳазору 778 рақам (аз ин фаъол 882 ҳазору 774 рақам) мебошад.