Бо мақсади баланд бардоштани сатҳи маърифатнокӣ ва ташаккули мафкураи солими ҷавонон, зиракии сиёсӣ ва эҳсоси хештаншиносиву худогоҳии миллӣ тибқи нақшаи муштараки Мақомоти иҷроияи ҳокимияти давлатии шаҳри Бӯстон дар ҳамкорӣ бо мақомоти ҳифзи ҳуқуқ бо устодон ва донишҷӯёни Донишкадаи кӯҳию металлургии Тоҷикистон мулоқот доир гардид.

Дар мулоқот мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон Мамнур Нурзода, мудири Бахши кор бо ҷавонон ва варзиш Хусравшоҳ Исмоилзода, мудири бахши дин, танзими анъана ва ҷашну маросим Бахтовар Ҷумаев, ёрдамчии прокурори шаҳри Бӯстон Фарангис Раҳимзода ва дигарон иштироку суханронӣ намуданд.

Иштирокчиён вобаста ба масъалаҳои таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатиашон ба Маҷлиси Олии Ҷумҳурии Тоҷикистон, саҳмгузорӣ дар истиқболи сазовори 30-солагии Истиқлолияти давлатии Ҷумҳурии Тоҷикистон, масъалаҳои пешгирии шомилшавии шаҳрвандон ба ҳизбу ҳаракатҳои ғайриқонунӣ, муқовимат бо коррупсия, таъмини иҷрои Қонунҳои Ҷумҳурии Тоҷикистон "Дар бораи танзими анъана ва ҷашну маросим дар Ҷумҳурии Тоҷикистон" ва "Дар бораи масъулияти падару модар дар таълиму тарбияи фарзанд" ибрози назар карданд.