ҶОМЕА
Ҷумъа 13 Июн 2025 02:26
11257
Бо ташаббуси Мақомоти иҷрояи ҳокимияти давлатии шаҳри Бӯстон ва дар асоси нақшаи тасдиқгардида дар боғи фарҳангӣ-фароғатии ба номи Садриддин Айнӣ таҳти унвони “Мо, ҷавонони ватан созандаем” чорабинии шоми ҷавонӣ баргузор гардид.

Ин навбат дастпарварони Мактаби Президентӣ барои хонандагони болаёқат дар шаҳри Бӯстон барномаи фарҳангӣ пешниҳод намуданд.

Зимни суханронӣ, муовини раиси шаҳри Бӯстон Мамнур Нурзода иброз дошт, ки дар шаҳр бо мақсади дар сатҳи баланд таҷлил намудани Рӯзи ҷавонони Тоҷикистон баргузории чорабиниҳои гуногуни варзишӣ, суҳбату мулоқот, ҳамоишҳои илмӣ ва чорабиниҳои фарҳангӣ ба нақша гирифта шуда, ҳадаф таваҷҷуҳи бештар равона намудан ба ҷавонон, ҳифзи арзишҳои миллӣ, эҳтиром ва арҷгузорӣ ба анъанаҳои неки ниёгон, ҷалби таваҷҷуҳи ҷавонон ба ҳифзу ҳимояи ватан, аз даст надодани ҳушёриву зиракӣ ва дар ниҳоди наврасону ҷавонон бештар бедор намудани ҳисси ватандӯстӣ арзёбӣ карда шуд.

Субҳиддин ҚОДИРОВ, “ҶТ”

Эзоҳи худро нависед



Рамзҳо дар расм