Ба мақсади тарғибу ташвиқи мулоқоти Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бахшида ба 10-солагии амали Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” дар шаҳри Бӯстон бо аҳли ҷамоатчигии мамлакат ва қишрҳои гуногуни ҷомеа мулоқотҳо баргузор гардида истодааст.

Аз ҷумла чунин як мулоқот 20 июл бо иштироки сардори шуъбаи иттилооти Гвардияи миллӣ Хайринисо Комилзода, командири қисми ҳарбии 051056 Гвардияи миллӣ Исматулло Одиназода, мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон Мамнур Нурзода ва мудири Бахши кор бо ҷавонон ва варзиши шаҳри Бӯстон Хусравшоҳ Исмоилов дар қисми ҳарбии 051056 доир гардид.

Зимни вохурӣ масъулин оид ба Истиқлолияти давлатӣ, раванди барқарории сулҳу субот, дастгирии давлатии ҷавонон, баргузории мулоқоти Пешвои миллат, муҳтарам Эмомалӣ Раҳмон бо аҳли ҷамоатчигии мамлакат бахшида ба 10-солагии амали Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва дигар масоил ибрози назар намуданд.