Чанде қабл дар шаҳри Бӯстон бо иштироки зиёда аз 500 нафар рӯзи ягонаи ахбор дар мавзӯи “Зуҳуроти номатлубро маҳкум мекунем”, баргузор гардид.

Мулоқотҳо дар қисми ҳарбии 08030, госпитали ҳарбӣ, қисми ҳарбии 051056-и Гвардияи миллӣ, Раёсати хоҷагии манзилию коммуналӣ ва ҷамоати шаҳраки Палос бо иштироки аъзои гурӯҳи тарғиботӣ-ташвиқотии мақомоти иҷроияи ҳокимияти давлатии вилоят ва шаҳр баргузор гардид.

Масъулон зимни суханрониҳои хеш перомуни пешгирии зуҳуроти номатлуб, мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо фаъолони мамлакат бахшида ба 10-солагии амали Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, эҳтиром ба арзишҳои миллӣ, пешгирии шомилшавии ҷавонон ба ҳизбу ҳаракатҳо, эҳтироми падару модар ва риояи ҳатмии санадҳои меъёриву ҳуқуқии кишвар ибрози андеша намуданд.