Дар давраи ҳисоботӣ якчанд лоиҳаҳои сохтмон аз ҳисоби манбаъҳои гуногун маблағгузорӣ карда шудаанд, ки 99 адад аз буҷети давлатӣ, грант 42 адад ва худмаблағгузор 271 ададро ташкил медиҳад.

Ин нуктаро имрӯз, 25 июл зимни нишасти матбуотӣ Низом Мирзозода, раиси Кумитаи меъморӣ ва сохтмони назди Ҳукумати Ҷумҳурии Тоҷикистон ба хабарнигорон баён намуд.

Ҳамзамон, қайд гардид, ки ҷиҳати омодагӣ ба ҷашни 35-солагии Истиқлоли давлатии Ҷумҳурии Тоҷикистон ба ҳолати 1 июл дар ҷумҳурӣ 29910 иншоот ба нақша гирифта шудааст, ки айни замон 23228 иншоот мавриди истифода қарор гирифтааст.

Ба гуфти масъулин, дар ин давра мутобиқ ба талаботи Кодекси шаҳрсозии Ҷумҳурии Тоҷикистон дар қаламрави ҷумҳурӣ нисбати корҳои сохтмонӣ 3186 камбудӣ ошкор карда шудааст.

У. ҚУТБИДДИНЗОДА, “ҶТ”