Ҳар ҳафтаи рӯзи шанбе дар кӯчаю маҳаллаҳои шаҳри Хоруғ бо иқдоми Бахши кор бо ҷавонон ва варзиши шаҳр ҳашари умумӣ ба роҳ монда шудааст.

Мудири бахш Имомёрбек Имомёрбеков гуфт, ки аллакай корҳои ободонию тозакунӣ бо ширкати 100 нафар ҷавонон дар маҳаллаҳои Гӯлакену Селхозтехника анҷом дода шуда, дар дигар маҳаллаҳо бошад бомаром идома доранд.

Мавриди зикр аст, ки бахш дар ҳамкорӣ бо идораҳои маҳаллӣ тасмим дорад, ки корҳои ободониро ҳарчи бештар вусъат бахшида, ба онҳо ҳамчунин сокинонро ҷалб намояд.