ҶОМЕА
Якшанбе 03 Июл 2022 12:43
1255
Кумитаи забон ва истилоҳот бо дарназардошти масъалаи номҳо ва номгузорӣ ба номи ашхос, ҳамчунин сарфи назар гардидани масъалаи интихоби номи маҳалҳои аҳолинишин аз хусусиятҳои таърихӣ ва ҷуғрофии ин ё он мавзеъ, зисту зиндагии мардум тағйири номи 20 маҳалли аҳолинишин ва ҷамоати деҳотро рад намуд.

Гавҳар Шарофзода, раиси Кумитаи забон ва истилоҳоти назди Ҳукумати ҷумҳурӣ, 1-уми август дар нишасти матбуотӣ зикр кард, ки дар ин нимсола ба 80 деҳаву маҳалҳои аҳонишин, 11 ҷамоати деҳоту шаҳрак ва мавзеи ҷуғрофӣ (парваришгоҳ ва дара) хулоса пешниҳод карда шуд.  

Зикр гардид, ки дар нимсолаи аввал номгузории 24 ташкилоту муассисаҳо аз лиҳози экспертизаи забоншиносӣ ва танзими истилоҳот дар робита ба талаботи Қонуни Тоҷикистон “Дар бораи забони давлатии Ҷумҳурии Тоҷикистон” мавриди баррасӣ қарор гирифта, хулосаҳои кумита ҷиҳати номгузории ин муассисаҳо пешниҳод гардид.  

Г. Шарофзода, қайд кард, ки кумита дар оянда нақша дорад, журналистонеро, ки дар навиштаву гуфторҳояш калимаҳои забони бегонаро бештар истифода мебаранд, ҷарима мебандад.

Ӯ бо нигаронӣ гуфт, ки солҳои охир журналистон калимаву истилоҳҳои, ба монанди «инфиҷор», «муташанниҷ», «муттамарказ», “вижа” ва амсоли инҳоро истифода мебаранд, ки барои бештари шаҳрвандони кишвар нофаҳмо мебошад.

- Мо - сокинони ҷумҳурӣ, махсусан журналистон бояд калимаву истилоҳҳоеро истифода намоем, ки барои аҳолии кишвар фаҳмо бошад. Бештари аҳолии кишвар ҳамеша имкони истифода бурдани китоби «Фарҳанги забони тоҷикӣ» надоранд, - афзуд раиси Кумитаи забон ва истилоҳот.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Июл 2022 c.