ҶОМЕА
Душанбе 17 Июн 2024 01:07
10335
Дар шаҳри Душанбе бахшида ба Рӯзи ҷаҳонии футбол Фестивал гузаронида мешавад.

Дар ин бора имрӯз – 14 май дар ҷаласаи кумитаи тадорукот, ки барои дар сатҳи баланд баргузор кардани Рӯзи ҷаҳонии футбол таъсис дода шудааст, гуфта шуд.

Имрӯз дар шаҳри Душанбе бо роҳбарии Ҷамшед Табарзода, муовини якуми раиси шаҳри Душанбе ҷиҳати дар сатҳи баланд баргузор намудани Рӯзи ҷаҳонии футбол ҷаласаи кумитаи тадорукот баргузор гардид.

Дар ҷаласа, ки бо иштироки намояндагони Федератсияи футболи Тоҷикистон, Вазорати маориф ва илми Ҷумҳурии Тоҷикистон, Кумитаи телевизион ва радиои назди ҳукумати Ҷумҳурии Тоҷикистон, раисони ноҳияҳо ва роҳбарони сохторҳои ҳифзи ҳуқуқи пойтахт, сардорони раёсату шуъбаҳои дастгоҳи раиси шаҳр ва Мақомоти иҷроияи ҳокимияти давлатии шаҳри Душанбе баргузор гардид, Ҷамшед Табарзода, муовини аввали раиси шаҳри Душанбе қабули пешниҳоди раиси Конфедератсияи футболи Осиёи Марказӣ (CAFA), Президенти Федератсияи Футболи Тоҷикистон муҳтарам Рустами Эмомалӣ аз ҷониби Созмони Миллали Муттаҳидро фоли нек хонда, гуфт бояд барои дар сатҳи баланди ташкилӣ баргузор намудани ин рӯз тамоми кӯшишу талоши худро ба харҷ диҳанд.

- Ин чорабиниро дар сатҳи хеле олӣ бояд гузаронд, гуфт Ҷамшед Табарзода.

Пас аз баромади Ҷамшед Табарзода Алишер Урунов, муовини президенти Федератсияи футболи Тоҷикистон доир ба баргузории Фестивали мазкур муфассал маълумот дод.

Эзоҳи худро нависед



Рамзҳо дар расм