Бино ба гуфти раиси Комиссияи олии аттестатсионии назди Президенти Ҷумҳурии Тоҷикистон Абдулҳаким Розиқзода дар шаш моҳи соли равон ба комиссияи мазкур оид ба аз нав таъсис додани шӯроҳои диссертатсионӣ 81 дархост ворид гардидааст, ки аз ин шумора 63 дархост қонеъ, 13 дархост рад карда шуда, 5 дархост дар баррасии шуъбаҳои аттестатсионии Комиссия ва шӯроҳои экспертӣ қарор дорад.

Номбурда 3 август зимни нишасти хабарӣ ҳамчунин таъкид дошт, ки дар ин давра аз ҷониби муассисаҳои илмӣ ва таҳсилоти олии касбии кишвар барои баргузор намудани ҳимояи якдафъаинаи диссертатсияҳое, ки аз рӯйи ихтисосҳои онҳо дар ҷумҳурӣ шӯроҳои диссертатсионӣ мавҷуд нест, 12 дархост ворид гардидааст. Аз ин шумора 7 дархост тасдиқ ва 5 дархост мавриди омӯзиш қарор дорад.