Нуриддин Саид, раиси Кумитаи телевизион ва радиои назди Ҳукумати Ҷумҳурии Тоҷикистон зимни нишасти хабарӣ гуфт, ният доранд, барои такмили ихтисоси рӯзноманигорон аз хориҷи кишвар мутахассисонро ҷалб созанд.

- Тибқи нақша мутахассисони соҳаи журналистика аз хориҷӣ кишвар барои такмили ихтисоси рӯзноманигорон ҷалб карда мешаванд. Барои аз таҷрибаҳои хориҷи кишвар истифода намудан, танҳо мутахассисони соҳаро ҷалб месозем, - гуфт Н. Саид.

Номбурда дар идомаи ин масъала таъкид кард, “дар ин масъала аммо имкони фиристодани ҳамаи рӯзноманигоронро барои таҷрибаомӯзи ба хориҷи кишвар надорем”.

Ҳамчунин гуфта шуд, ки хатмкунандагони соҳаи журналистикаи телевизион ва радиои муассисаҳои таҳсилоти олӣ дар мадди аввал бо кор таъмин мешаванд.

Таҳмина ЮСУФӢ, “ҶТ”