Дар ноҳияи Шаҳритуз бо мақсади баррасии дастовардҳои даврони соҳибистиқлолии кишвар, ҳифзи  робитаҳои дӯстонаи Тоҷикистон бо кишварҳои ҳамсоя дар ҳамкорӣ бо ҷомеаи шаҳрвандӣ бо сокинон мулоқот доир гардид.  

Дар мулоқот Раҷабзода Меҳринисо, муовини раиси ноҳияи Шаҳритуз, Рамазон Насриддинзода, муовини сардори Раёсати кор бо ҷавонон ва варзиши вилояти Хатлон ва Муҳаррам Мирзоалиева, раиси  ҷамъияти ӯзбекони Тоҷикистон дар вилояти Хатлон иштироку суханронӣ намуданд. 

Дар чорабинӣ оид ба сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон суханрониҳо сурат гирифта, гуфта шуд, маҳз заҳмату талошҳои шабонарӯзии Пешвои муаззами миллат буд, ки имрӯз Ҷумҳурии Тоҷикистони соҳибистиқлолро тамоми сайёра мешиносанду эътироф менамоянд, ки ин ифтихори мост. 

Дар фарҷоми вохӯрӣ иштирокчиён фикру ақидаҳои худро доир ба мавзӯи зикргардида, иброз намуданд.