ҶОМЕА
Панҷшанбе 25 Феврал 2021 12:42
7710
20 январ дар Китобхонаи миллии Тоҷикистон бахшида ба Рӯзи кормандони соҳаи меҳнат ҳамоиши илмӣ-амалӣ таҳти унвони “Рушди соҳаҳои меҳнат, шуғли аҳолӣ ва таҳсилоти ибтидоии касбӣ: ҳолат ва дурнамо” баргузор гардид.

Дар кори ҳамоиш намояндагони ташкилотҳои байналмилалӣ, вазорату идораҳо, коршиносони соҳа, олимону муҳаққиқон, собиқадорони соҳаи меҳнат, муҳоҷират ва шуғли аҳолӣ ва шарикони рушд иштирок намуданд.
Ҳамоиши мазкурро Ширин Амонзода, вазири меҳнат, муҳоҷират ва шуғли аҳолии Ҷумҳурии Тоҷикистон бо табрикоту таманниёти нек ифтитоҳ намуда, қайд кард, ки баъди ба даст овардани Истиқлолияти давлатӣ ин соҳа тадриҷан рушду такомул ёфт.

Ширин Амонзода зикр кард, ки онҳо дар ҳамкорӣ бо дигар мақомотҳо нақша доранд, кори соҳаро ба тадриҷ рушд диҳанд ва барои боло бурдани он то қадри имкон саҳмгузор бошанд.

Қайд гардид, ки соҳаи меҳнат, муҳоҷират ва шуғли аҳолӣ чун дигар соҳаҳои ҳаётан муҳим дар даврони соҳибистиқлолии Тоҷикистон ҳамеша зери таваҷҷуҳи хоссаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, он ҳамчун яке аз соҳаҳои калидӣ дар амалӣ намудани сиёсати иҷтимоии кишвар саҳми арзанда дорад.

Инчунин дар ҳамоиш намояндагони дигар вазорату идораҳо суханронӣ намуда, кормандони ин соҳаро бо иди касбиашон табрику муборакбод намуданд.

Дар идома олимону муҳаққиқони соҳа бо маърӯзаҳои илмӣ баромад намуда, ҷанбаҳои гуногуни ин соҳаи муҳимро аз нигоҳи илмӣ тафсир карданд.

Дар фарҷоми ҳамоиш мутахассисони соҳа ва кормандони фаъол ба муносибати Рӯзи касбияшон бо мукофотҳои соҳавӣ сарфароз гардонида шуданд.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.